Татарстан Республикасында Туган телләр һәм халыклар бердәмлеге елына багышланган чаралар планы кысаларында, Совет районы гаиләгә һәм балаларга социаль ярдәм күрсәтү бүлеге белгечләре халыкка социаль хезмәт күрсәтү комплекслы үзәге мәдәни оештыручысы белән берлектә, Казан шәһәренең Совет районы «Сәламәтлек мөмкинлекләре чикләнгән балалар өчен 142 нче Казан мәктәбе» ДБББУ базасында «Язучы көне» дигән квест-уен үткәрделәр.

   Чараның максаты: балигъ булмаганнарда туган телгә һәм мәдәнияткә карата хөрмәт тәрбияләү, танылган язучыларның иҗатына карата кызыксыну уяту.

   Чара кысаларында балалар белән «Тылсымлы капчык» уены үткәрелде, аның барышында балалар капчыктан уенчыклар алдылар һәм алар турында барысына да кечкенәдән билгеле булган шигырьләрен искә төшерделәр: «Туп», «Куян», «Аюкай», «Үгезкәй», «Кораблар», «Фил».

   Балалар шигырь раунды кысаларында, шигырьләрнең соңгы юллары буенча отып, шигырь белүдә көч сынаштылар. Соңыннан “Иллюстрация буенча әсәрләрнең геройларын тап” бәйгесендә рәхәтләнеп катнаштылар, рәсемнәрдә тәкъдим ителгән әкиятләр һәм геройлар турында сөйләделәр, әлеге әсәрләрнең авторларын тәкъдим ителгән язучыларның портретларыннан сайлап алдылар.

   Чара ахырында һәр катнашучы үзенең яраткан шигырен сөйләде.