Каганова Надежда Константиновна 1922нче елның 19нчы августында Кытай Халык Республикасының Харбин шәһәрендә эшчеләр гаиләсендә туа. Әтисе тимер юл станциясендә эшләгән, әнисе балалар тәрбияләгән һәм хуҗалык белән шөгыльләнгән. 1932нче елда Кагановлар гаиләсе Красноярск краеның Ачинск шәһәренә күчеп килә, анда Надежда Константиновна урта мәктәпне тәмамлый.

   Бөек Ватан сугышы елларында Надежда Константиновна үзен һөнәрчелек училищесында эшләүгә багышлый, анда тимер юлны саклау өчен кирәкле күнекмәләргә өйрәтәләр. 1954нче елны ире белән Казанга күчәләр. Аннан соң күп еллар дәвамында мәктәптә китапханәче булып эшли. Акыллы, укымышлы, зыялы хатын еллар узу белән аралашучанлыгын, юмор хисен, күңел җылысын һәм хатын-кыз ягымлылыгын югалтмый.