11нче февраль, пәнҗешәмбе, 2021нче ел

   «Хыял иле» клубы кысаларында Яңа Савин районы гаиләгә һәм балаларга социаль ярдәм бүлеге белгечләре Халыкка социаль хезмәт күрсәтү комплекслы үзәге мәдәни оештыручысы белән берлектә, аз тәэмин ителгән һәм күп балалы гаиләләрдә тәрбияләнүче балигъ булмаган балалар өчен «Барысы да мәхәббәттән башлана» дигән төркемле шөгыль үткәрделәр.

   Шөгыль барышында балалар белән мәхәббәт, ярату кебек хиснең кыйммәтләре, аның күпкырлы булуы: гаиләне ярату, дусларның ярату һәм үзеңне ярату турында интерактив әңгәмә үткәрелде. Шуңа күрә үзеңдә тирә-юньдәгеләрне ярату һәм сөендерү омтылышын үстерергә, туганнарыңның, дусларыңның, якыннарыңның мөнәсәбәтен бәяләргә, җаваплы кайгыртучанлык күрсәтергә һәм аларга игътибар күрсәтергә онытмаска кирәк.

   Шөгыльнең иҗади өлешендә балалар йөрәк рәвешендә 3D открытка әзерләделәр, аларга туганнары һәм якыннары өчен җылы теләкләр яздылар, ә шөгыльнең символы булып «Мәхәббәт агачы» тора, аның ботакларын балалар кызыл йөрәкләр белән бизәделәр.