7нче май, 2018нче ел, дүшәмбе

   1941-1945нче еллар Бөек Ватан сугышында Җиңүнең 73 еллыгын бәйрәм итү алдыннан, Авиатөзелеш районы гаилә һәм балаларга социаль ярдәм күрсәтү бүлеге һәм өйдә социаль ярдәм күрсәтү бүлеге белгечләре белән берлектә, “Йөрәк хәтере”акциясе кысаларында, балигъ булмаган балалар белән өйдә социаль ярдәм күрсәтүдә торган Бөек Ватан сугышында катнашучыларны һәм тыл хезмәтчеләрен өйләрендә котлауны оештырдылар.

   Ветераннар күзләрендәге яшьләре аша балалардан котлаулар һәм татлы бүләкләр кабул итеп алдылар, үзләренең хәрби яшьлекләре турында сөйләделәр. Котлау открыткаларын һәм георгий тасмасыннан брошьларны һәр ветеранга социаль хезмәт күрсәтүдә торган гаиләләрдәге балалар төркемле шөгыльләрдә әзерләделәр.