3нче май, пәнҗешәмбе

   1941-1945 еллардагы Бөек Ватан сугышында Җиңүнең 73 еллыгын бәйрәм итү кысаларында, Идел буе районы өйдә социаль хезмәт күрсәтү бүлеге белгечләре Казан халык сәнгать кәсепләре техникумы укытучылары һәм студентлары белән социаль хезмәт алучы, фашист концлагеренда тоткынлыкта булган Антошкина Зинаида Григорьевна белән очрашу оештырдылар. Зинаида Григорьевна үзенең язмышы турында сөйләде, тормышының фаҗигале тарих битләрен ачты.

   Очрашу бик җанлы һәм җылы булды. Балалар кунакка техникум турында истәлек итеп картина һәм чәчәкләр бүләк иттеләр, рәхмәт әйттеләр.