«Ышаныч телефоны-үз-үзен җаваплы тотуга бер адым»
16нчы март, сишәмбе, 2021нче ел
Совет районы гаиләгә һәм балаларга социаль ярдәм бүлеге психологы тарафыннан МБББУ «Немец телен тирәнтен өйрәнүче 72 нче урта гомуми белем бирү мәктәбе"ндә күп балалы, тулы булмаган һәм аз тәэмин ителгән гаиләләрдәге балигъ булмаган балалар өчен «Ышаныч телефоны – үз – үзен җаваплы тотуга бер адым» дигән төркемле шөгыль үткәрелде.
Шөгыльнең максаты: балигъ булмаганнарга ышаныч телефонының билгеләнеше һәм эше турында мәгълүмат бирү, квалификацияле ярдәм алу өчен, авыр тормыш хәлләрендә ышаныч телефонына мөрәҗәгать итү кирәклеген аңлату.
Шөгыль барышында балаларга Ышаныч телефоны турында, психологик ярдәм күрсәтү турында сөйләделәр, «Дус нәрсә белән ярдәм итә ала?» темасына әңгәмә уздырылды. Фикер алышу нәтиҗәсендә балалар белән Ышаныч телефонына мөрәҗәгать итәргә мөмкин булган «авыр» сораулар исемлеге эшләнде.
Дәрес ахырында балалар белән психоэмоциональ киеренкелекне бетерүгә юнәлдерелгән «Шалтырат миңа, шалтырат» күнегүе һәм "Мин синең берәү!..... Синең тормышың" дигән белешмә тапшырылды.
«Социаль-көнкүреш ориентлашуы» программасын тормышка ашыру
16нчы март, сишәмбе, 2021нче ел
«Социаль-көнкүреш ориентлашуы» программасы кысаларында Халыкка социаль хезмәт күрсәтү комплекслы үзәгенең көндез тору бүлегендә социаль педагог, хезмәт алучыларны уңышлы социализацияләүгә, мөстәкыйль тормышка әзерләүгә юнәлдерелгән, «Кибет» шөгыльләр циклы үткәрде.
Шөгыльләр барышында катнашучылар азык-төлек кибетендә нинди бүлекләр була алуы, аерым товарларның бәясе, азык-төлек продуктларын сатып алганда нәрсәгә игътибар итәргә кирәклеге турында белемнәрен ныгыттылар. Шөгыльдә кибеттә үз-үзеңне тоту кагыйдәләренә, сөйләм этикеты күнекмәләрен үзләштерүгә аерым игътибар бирелде.
«Минем киемем» шөгылендә социаль педагог белән берлектә социаль хезмәт алучылар киемнең сезонлы булуын билгеләргә, әйберләргә сакчыл караш һәм киемне дөрес саклау күнекмәләренә өйрәнделәр.
Тормышта үз урыныңны ничек табарга
16нчы март, сишәмбе, 2021нче ел
«Мин барысын да булдырам» дигән шөгыльләр циклы кысаларында Киров районы гаиләгә һәм балаларга социаль ярдәм бүлеге социаль педагогы, социаль хезмәт күрсәтүдә торучы 15-17 яшьлек балигъ булмаган балалар өчен,«Тормышта үз урыныңны ничек табарга» дигән дистанцион төркемле консультация үткәрде.
Чараның максаты: булачак һөнәрне сайлауда аңлылык, җаваплылык формалаштыруда ярдәм итү, максатчанлыкны үстерү.
Чарада балаларны «Булачак һөнәр һәм сәләт», «Минем уңышым … бәйле», «Тормыш мәгънәсе …» кебек мөһим мәсьәләләргә кагылып үтелде. Бу гади булмаган сорауларга җавап табарга «Бер эш» һәм «Минем хыялым» риваятьләре ярдәм итте. Балигъ булмаганнарның һәрберсе үз фикерен әйтә алды. Менә аларның кайберләре: « Үз сәләтеңне бары тик үз-үзеңә ышанып кына табарга була», «Үз планнарыңны тормышка ашыру өчен нык характерга ия булырга кирәк».
Уртак нәтиҗә шундый булды: бер үк эш – берәү өчен тормыш мәгънәсенә әверелә, ә икенчесе өчен-авыр йөк, үз-үзеңә колак салырга һәм үз хыялыңа ышанырга кирәк! «Уңыш баскычы» тренинг күнегүләре катнашучыларга үзләренең максатларына ирешергә сәләтле булуларына ышанычларын ныгыту мөмкинлеге бирде. Чара ахырында балаларга киңәшләр «Максатны ничек куярга» дигән белешмәлек рәвешендә бирелде.
Ата-аналар өчен лекция «Сак булыгыз, ут!»
16нчы март, сишәмбе, 2021нче ел
Гадәттән тыш хәлләрне кисәтү һәм янгын куркынычсызлыгы чараларын үтәүгә юнәлтелгән чаралар кысаларында Авиатөзелеш районы гаиләгә һәм балаларга социаль ярдәм бүлеге белгечләре социаль куркыныч хәлдә булган гаиләләрдәге ата-аналар белән Россия ГТХМ ДУ Татарстан Республикасы Казан шәһәре Авиатөзелеш районы буенча Күзәтчелек эшчәнлеге бүлеге хезмәткәрләре белән очрашты.
Шөгыльнең максаты: янгын куркынычсызлыгы кагыйдәләренә өйрәтү, үз тормышына һәм тирә-юньдәгеләрнең тормышына сакчыл караш тәрбияләү.
Очрашу барышында ата-аналар игътибарына республикада һәм Казан шәһәрендәге янгын очраклары, янгыннарда олылар һәм балалар һәлак булуы турында «Янгын турында без нәрсә беләбез?» дигән кыска метражлы фильм тәкъдим ителде. Шулай ук өлкәннәр «Янгын вакытында ничек хәрәкәт итәргә?» дигән әңгәмәдә катнаштылар, шулай ук алар үзләрен кызыксындырган күп сорауларга җаваплар алдылар.
Бинада янгын куркынычы булган хәлләрне булдырмауда зур әһәмияткә ия автоном янгын хәбәрчеләрен урнаштыруга аерым игътибар бирелде.
Мондый очрашулар гадәттән тыш хәлләрне кисәтү, янгын чыгу куркынычын киметү, гадәттән тыш хәлләрдә эш итү өчен кирәкле күнекмәләр формалаштыруга ярдәм итә.
Соңыннан барлык катнашучыларга «Гадәттән тыш хәлләр министрлыгыннан яхшы киңәшләр» брошюрасы тапшырылды.
«Безнең команда» төркемле шөгыле
12нче март, җомга, 2021нче ел
Халыкка социаль хезмәт күрсәтү комплекслы үзәгенең көндезге тору бүлеге психологлары кулларның вак моторикасын, сөйләмне, түземлелек, игътибар һәм концентрацияне үстерүгә, шулай ук хыял һәм иҗади фикерләүне үстерүгә юнәлдерелгән «Безнең команда» дигән төркемле шөгыль үткәрделәр.
Эш барышында алар бармак буяулары белән рәсем ясадылар. Мондый буяулар уч төбе һәм кул бармакларының сизгерлеген үстерә, ә бу аларга тәннәрен яхшырак контрольдә тота башларга ярдәм итә.
Страница 8 из 272
