Ветераннар янәшә яши

   #ДОБРЫЙТАТАРСТАН #МӘРХӘМӘТЛЕТАТАРСТАН» эстафетасы кысаларында «Казан шәһәре» шәһәр округында халыкка социаль хезмәт күрсәтү комплекслы үзәге» социаль хезмәт күрсәтү автоном дәүләт учреждениясының хезмәткәрләре Казан төзелеш, архитектура һәм шәһәр хуҗалыгы көллияте студентлары белән берлектә 16 март көнне «Ветераннар янәшә яши» дип исемләнгән социаль акция оештырды.

   Акция кысаларында өлкән яшьтәге гражданнарга һәм инвалидларга фатирларын, йорт яны территорияләрен җыештыру кебек ярдәм күрсәтелде, балалар ясаган бәйрәм открыткалары һәм сувенирлар тапшырылды.

   Ветераннар балалар белән үзләренең хәрби яшьлек хатирәләре турында бик теләп уртаклашты.

Олимпиада 2018

   16 март- Игелекле эшләр хәм Хөрмәт көне

   «Весенняя неделя добра – эстафета добрых дел. Добрый Татарстан. Мэрхэмэтле Татарстан» атналыгы кысаларында 16.03.2018г. Киров районы балалар һәм гаиләләргә социаль ярдәм күрсәтү бүлегендә социаль ярдәмгә мохтаҗ балалар өчен «Олимпиада 2018» дигән темага чара уздырылды. Чараны бүлекнең психологы һәм социаль педагогы әзерләде. Максат балаларда үз илләренә, Россия һәм Татарстан спортчыларына карата хөрмәт һәм горурлык хисе тәрбияләүгә юнәлдерелде.

   Чара балаларда горурлык, патриотик хисләр тудырырлык видеороликтан һәм “Олимпиада – безнең дус” дигән презентациядән башланды. Алардан балалар олимпияда тарихын, символларын белделәр. 2018нче кышкы олимпия уеннары призерлары турында мәгълүмат алдылар.

   Балалар үзләренең теоретик белемнәрен “Кышкы спорт уен төрләре” дигән викторина аша тикшереп карадылар. Билгеле, барлык балалар да соруларга төгәл җавап бирә алмады, ләкин алар чара барышында, үзләренең белемнәрен ныгыттылар. Һәм шунсы сөендерә, балалар спорт белән кызыксына, үзләре дә төрле спорт секцияләренә теләп йөри.

   Чараны иҗади өлеше “Минем яраткан спорт төре” дигән темага багышланды. Һәр бала үзенә ошаган спорт төренә багышлап рәсем ясады. Арттерапия балага игътибарын бер эшкә тупларга, проблемаларны читкә куярга, позитив фикер йөртергә ярдәм итте.

   Чара ахырында балалар совет чорыннан килгән “Кем приз ала?” дигән мультфильм карады. Фильм кыюлык, миһербанлылык, хөрмәт, дусларыңа игътибарлы булу кирәклеген күрсәтте.

   Шәфкатьле, миһербанлы булу өчен билгеләнгән көннәр кирәкми. Без сезне һәрдаим игелекле булырга чакырабыз.

   Социаль педагог: Гаффанова М.Р.

Шатлык бүләк ит!

   2018 нче елның 15 мартында Казан шәhәре Халыкка социаль хезмәт күрсәтү үзәгенең гаиләләргә һәм балаларга социаль ярдәм итү бүлегендә (Мәскәү районы) «Язгы игелек атнасы – игелекле эшләр эстафетасы #ДОБРЫЙТАТАРСТАН #МӘРХӘМӘТЛЕТАТАРСТАН» мәрхәмәтлелек акциясе кысаларында «Шатлык бүләк ит!» дип аталган игелекле эшләр эстафетасы үткәрелде.

   Акциянең максаты: физик мөмкинлекләре чикләнгән балигъ булмаган балаларны тәрбияләүче гаиләләрдә киеренкелек hәм стресс халәтен булдырмау, аларга эмоциональ ярдәм күрсәтү, уңай кәеф hәм рух күтәренкелеге бирү.

   Акция барышында балаларның «Йөземкәй» клубы дәресләрендә иҗат иткән, гаилә бердәмлеге hәм җылылыгын символлаштырган сувенирлар таратылды.

   Акциядә катнашучылар уңай эмоцияләр hәм позитив рухи кәеф алдылар.

Үз үзен белэн гармонияда

   14.03.2018 ел. «Казан шәһәре» шәһәр округында халыкка социаль хезмәт күрсәтү комплекслы үзәге» социаль хезмәт күрсәтү автоном дәүләт учреждениясының Идел буе районындагы гаиләгә һәм балаларга социаль ярдәм күрсәтү булеге психолыклары “Сафиуллина” участогының консультатив пунктында (МББУ Казан шәһәренең "Урта гомуми белем бирү мәктәбе 173 номерлы" – Салмачи поселыгы), “ Үз үзен белэн гармонияда” акциясе кысаларында, уен рәвешендэ “Безнең хисләр” дип аталган тренинг дәрес үткәрелде. Уен мәктэпнең эчке исэбендэ тыручы балигъ булмаган балалар катнашында үткәрелде.