Социаль эш белгечләре балигъ булмаган балаларда патриотик хисләр тәрбиялиләр
22нче июнь, җомга, 2018нче ел
Хәтер һәм кайгы көнендә Авиатөзелеш районы гаилә һәм балаларга социаль ярдәм бүлеге белгечләре, социаль хезмәт күрсәтүдә торган балалы гаиләләр өчен, Бөек Ватан сугышы мемориал – музеена хәйрия экскурсиясе оештырдылар.
Экскурсия барышында катнашучылар Бөек Ватан сугышы тарихы, анда безнең якташлар-татарстанлыларның катнашуы, батырлыклары турында “Сугыш юллары белән...” әдәби-музыкаль композициясе белән таныштылар. Алар арасында легендар Брест крепостен саклаучы майор П. Гаврилов, чик сакчысы Н. Кайманов, очучы Ф. Фатхуллин һәм бик күп башкалар.
Балалар рядовой солдатларның һәм хәрби башлыкларның батырлыклары турында белделәр, сугыш булган җирләрдән, шул исәптән Новгород һәм Санкт-Петербург астыннан кайтарылган, шулай ук безнең якташлар – Советлар Союзы Геройлары – М. Х. Сыртланова, М. П. Девятаев, Г. Б. Сафиуллин һәм башкаларның уникаль экспонатлары янында тоткарландылар.
Чара катнашучыларда илебезнең тарихын яхшырак аңларга ярдәм итте, якташлар һәм туган ил – Россия өчен горурлык хисе уятты!
Гаилә һәм балаларга социаль ярдәм бүлеге белгечләре “Хәтерлибез, горурланабыз,хөрмәтлибез” батырлык дәресе уздырдылар
21нче июнь, пәнҗешәмбе, 2018нче ел
Хәтер һәм кайгы көнендә- Бөек Ватан сугышы башланган көнне Яңа Савин районы гаилә һәм балаларга социаль ярдәм бүлеге белгечләре социаль хезмәт күрсәтүдә торган гаиләләрнең балигъ булмаган балалары өчен “Хәтерлибез, горурланабыз, хөрмәтлибез” батырлык дәресе уздырдылар.
Максат: балигъ булмаган балаларның граждан-ватанпәрвәрлек хисе һәм әхлакый сыйфатларын тәрбияләү, ил тарихының батырлык битләренә хөрмәт хисләре тәрбияләү.
Дәрес барышында балалар “Сугыш балалары” кыска метражлы фильмын карадылар, тылдагы авыр сугыш көннәре, кечкенә балаларның зурлар белән беррәттән озак көтелгән Җиңүне коеп ясаганнары турында белделәр. Аннан соң балалар “Сугыш сукмаклары буйлап” викторинасында катнаштылар.
Дәрес ахырында, иҗади остаханәдә, балалар ветераннар өчен открыткалар һәм ясалмалар эшләделәр.
22. 06. 2018 “Бөек Җиңү турында истәлекне саклыйк!” акциясе кысаларында, балалар өйдә оциаль хезмәт күрсәтүдә торган тыл хезмәтчәннәрен һәм Бөек Ватан сугышы ветераннарын өйләрендә котладылар.
Социаль хезмәт белгечләре балигъ булмаган балаларны үз илләренең тархы белән таныштыралар
21нче июнь, пәнҗешәмбе, 2018нче ел
Хәтер һәм кайгы көне алдыннан Советр айоны гаилә һәм балаларга социаль ярдәм бүлеге белгечләре ДАПББУ “Политехник колледж”ы волонтерлары белән берлектә, социаль хезмәт күрсәтүдә торган гаиләләрнең балигъ булмаган балалары өчен “Хәтерлибез, горурланабыз, хөрмәтлибез” батырлык дәресе уздырдылар.
Максат: ватанпәрвәрлек хисе тәрбияләү, үз илеңнең тарихы белән танышу.
Дәрес барышында балалар халыкның Бөек Ватан сугышы елларындагы батырлыклары турында “Хәтер шәме” фильмыннан өзек карадылар, тарихи вакыйгаларны белүләрен күрсәтеп, әңгәмәдә һәм интерактив уенда катнаштылар.
Дәрес ахырында балалар открытка һәм аппликацияләр ясадылар, өйдә социаль хезмәт күрсәтүдә торган сугыш ветераннарына икенче көнне тапшырдылар.
“Казан шәһәре” шәһәр округында халыкка социаль хезмәт күрсәтү комплекслы үзәге” социаль хезмәт күрсәтү автоном дәүләт учреждениесендә Бөек Ватан сугышы башланган көн – Хәтер һәм кайгы көненә туры китерелгән социаль –патриотик акция уздырылды
22нче июнь, 2018нче ел
2018нче елның 22нче июнендә Хәтер һәм кайгы көне кысаларында өйдә социаль хезмәт күрсәтү бүлеге белгечләре гаилә һәм балаларга социаль ярдәм күрсәтү бүлеге белгечләре белән берлектә чаралар, социаль –патриотик акцияләре уздырдылар: “Хәтер үлемсез” (Авиатөзелеш районы), “Ә иртәгә сугыш булды” (Вахитов районы), “Хәтер һәм кайгы көне” (Киров районы), “Бөек җиңү турында истәлекне саклыйк” (Мәскәү районы).
Максат: Бөек Ватан сугышы каһарманнары һәм вакыйгалары турында истәлекләрне саклау һәм актуальләштерү, өлкән буынга ихтирамлы мөнәсәбәт формалаштыру.
Алда әйтелгән чаралар кысаларында өйдә социаль хезмәт алучы ветераннарның өйләренә бару оештырылды. Ветераннар фронт хәтирәләре белән уртаклаштылар. Сугыш вакытында совет халкына төшкән авырлыклар һәм мохтаҗлыклар турында сөйләделәр. Балалар ветераннарны кызыксыну белән тыңладылар, үзләрен кызыксындырган сорауларны бирделәр, ветераннарга үзләре ясаган сувенирларны тапшырдылар.
Акциядә катнашучылар илебезне саклаучыларны хәтерләргә һәм кадерләргә кирәклеген билгеләп үттеләр.
Совет районы өйдә социаль хезмәт күрсәтү белгечләре Казан коммуналь хуҗалыгы һәм төзелеш колледжы һәм Казан дәүләт медицина университеты волонтерлары белән берлектә, буклетлар тапшыру белән “Безнең хәтерне еллар белән бетереп булмас” урам акциясе уздырдылар.
Идел буе өйдә социаль хезмәт күрсәтү белгечләре Ветераннар йортында “Хәтер шәме” концерты оештырдылар, аның барышында сугыш елларындагы патриотик җырлар яңгырады.
Авиатөзелеш районы гаилә һәм балаларга социаль ярдәм бүлеге белгечләре “Казан төзелеш, архитектура һәм шәһәр хуҗалыгы колледжы” волонтерлары белән берлектә, социаль яраклашуда авырлыклар кичерүче балигъ булмаган балаларны “Гаилә, мәхәббәт һәм тугрылык к
20нче июнь, 2018нче ел
2018нче елның 20нче июнендә “Кызыксынулар планетасы” клубы эше кысаларында, Гаилә, мәхәббәт һәм тугрылык көненә багышланган “Акчәчәк турында легенда” тематик чарасы уздырылды. Балалар кызыксыну белән “Петр һәм Фаврония турында хикәят” мультфильмын карадылар, төп геройларның гамәлләре турында фикер алыштылар һәм аларның тормыш тарихы – үрнәк булырга лаеклы, бөек мәхәббәт һәм тугрылык дәресе дигән нәтиҗә ясадылар.
Чараның гамәли өлешендә балаларга крепкәгазьдән “Акчәчәк” брошен ясарга тәкъдим ителде. Белгечләр һәм волонтерлар ярдәме белән балалар рәхәтләнеп бәйрәм символы – акчәчәк ясадылар. Бер-берсе белән аралашып, кайгырту һәм үзара ярдәм күрсәттеләр.
Һәр катнашучы өенә, әти-әниләренә якыннарына бүләк итәр өчен, үзе ясаган чәчәкне алдылар.
Чарада 10 бала һәм 4 волонтер катнашты.
- Казанда “Туган ишегаллары” циклыннан “Тормыш салават күпере”сәламәтләндерү чарасы булып узды
- “Наркотикларсыз яшәү” акциясе
- Мәскәү районы гаилә һәм балаларга социаль ярдәм бүлеге белгечләре “Истәлекләр юлы белән” патриотик квест - уенын уздырдылар
- Авиатөзелеш районы гаилә һәм балаларга социаль ярдәм бүлеге белгечләре балигъ булмаган балалар арасында үз-үзенә кул салу профилактикасы буенча эш башкаралар
Страница 239 из 272