Психолог конфликтларны социаль-яраклы ысуллар белән чишү күнекмәләрен формалаштыра
4нче июль, чәршәмбе, 2018нче ел
Авиатөзелеш районы гаилә һәм балаларга социаль ярдәм бүлеге психологы “Хисләр дөньясында” циклыннан тренинг элементлары белән “Конфликтлар һәм аларны чишү юллары” төркемле шөгыле уздырды. Шөгыльдә, социаль яраклашуда авырлыклар кичерүче психоэмоциональ проблемалы, 7-11 яшьлек 10 балигъ булмаган бала катнашты.
Балаларга “Коймак”социаль өстәл уены тәкъдим ителде. Балаларның һәрберсе пластилиннан җәнлек фигурасы әвәләделәр, аннан соң ул аның уен фишкасы булды. Уенда балалар бер-берсе белән төрле мөнәсәбәтләр төзеделәр, төркемнәргә керделәр, ачуланыштылар, каршылыкларны чишәргә, карар кабул итәргә һәм алар өчен җавап бирергә өйрәнделәр. Уен тәмамланганда рольләрне салдыру, негатив борчылуларга җавап бирү, төркемдә атмосфераны тигезләүгә күнегүләр башкарылды. Төркемле фикер алышу барышында, катнашучылар “конфликт” төшенчәсен билгеләделәр, чын тормышта бәхәсле хәлләрне чишү тәҗрибәсе белән уртаклаштылар. Уенны анализлап, һәрбер катнашучы конфликтта үзен тоту аңа килешлерәк, һәм нинди тактиканы үстерергә кирәклеген билгеләделәр.
Тренинг элементлары белән төркемле шөгыль катнашучыларның үзбәясен һәм стрессларга каршы торучанлыгын арттырырга, кешеләр белән эффектив аралашу төзү күнекмәләрен формалаштырырга, толерантлык һәм конфликтларны көч кулланмый чишә белүне үстерергә ярдәм итте.
Социаль эш буенча белгечләр гаилә кыйммәтләрен танытуга ярдәм итәләр
5нче июль, пәнҗешәмбе, 2018нче ел
Бөтенроссия гаилә, мәхәббәт һәм тугрылык көне алдыннан “Ата-аналарны гомуми укыту” программасы кысаларында, Киров районы гаилә һәм балаларга социаль ярдәм бүлеге белгечләре, социаль хезмәт күрсәтүдә торган гаиләләр өчен “Гаилә бәхете формуласы” чарасы уздырдылар.
Чараның максаты: гаилә кыйммәтләрен таныту, үз гаиләңне ярату һәм ихтирам тәрбияләү.
Чара барышында гаиләләр бәйрәмнең тарихы, аның Россиянең төрле шәһәрләрендә үткәрелү гадәтләре белән таныштылар, интерактив әңгәмәдә бала шәхесе формалашуда гаиләнең мөһимлеген билгеләп үттеләр, чын гаилә бәхетенең “формуласын” таптылар.
Балалар өчен, бәйрәмнең символы булган кыр акчәчәкләреннән такыя ясау буенча мастер-класс булды.
Социаль эш буенча белгечләр балигъ булмаган балаларда әти-әниләренә карата ярату һәм хөрмәт хисләре тәрбияләүгә ярдәм итәләр
3нче июль, сишәмбе, 2018нче ел
Совет районы гаилә һәм балаларга социаль ярдәм бүлегенең социаль педагогы Бөтенроссия гаилә, мәхәббәт һәм тугрылык көненә туры китереп “Акчәчәк” төркемле тематик шөгыле уздырды.
Максат: балигъ булмаган балаларда әти-әниләренә карата ярату һәм хөрмәт, үз гаиләсе өчен горурлык хисләре тәрбияләү, гаилә гадәтләрен тергезү.
Шөгыль барышында балалар белән, төркемне берләштерүгә, коммуникатив сыйфатларны үстерүгә һәм командада эшли белүгә юнәлдерелгән, “Без бергә” интерактив уены уздырылды. Аннан соң балалар “Сабый теле белән” бәйгесендә катнаштылар, үз гаиләләренең гадәтләре турында сөйләделәр.
Шөгыльнең гамәли өлешендә катнашучылар “Гаилә көне” открыткаларын әзерләделәр, соңыннан аларны якыннарына һәм туганнарына тапшырдылар.
Шөгыль балигъ булмаган балаларны бәйрәмнең тарихы белән танышырга, җәмгыятьнең төп кыйммәте булган гаиләгә җаваплы караш формалаштырырга ярдәм итте.
Социаль эш буенча белгечләр балигъ булмаган балаларга һөнәри үзбилгеләүдә ярдәм күрсәтәләр
3нче июль, сишәмбе, 2018нче ел
“Киләчәк турында сөйләшик” шөгыльләр циклы кысаларында, Авиатөзелеш районы гаилә һәм балаларга социаль ярдәм бүлеге белгечләре, булган психоэмоциональ кыенлыкларга бәйле рәвештә социаль яраклашуда кыенлыклар кичерүче, балигъ булмаган балалар белән “Һөнәр һәм сәламәтлек” төркемле шөгыле уздырдылар.
Яхшы коммуникатив мөнәсәбәтләр булдырырга, кәефне яхшыртырга мөмкинлек бирүче, хисле киеренкелекне бетерү һәм балалар белән танышу өчен парлы “Көзге” күнегүе башкарылды.
Яшүсмерләр игътибар белән “Һөнәр һәм сәламәтлек” видеоролигын карадылар, аннан соң фикер алышу булды. Бәхәс барышында балалар, сайланган һөнәр кызыклы һәм мавыктыргыч булырга, хезмәт базарында кирәкле булырга, шәхси сәләткә туры килергә тиеш дигән фикергә килделәр. Балаларда “Һөнәрләр төре” таблицалары белән эш аерым кызыксыну уятты, һәркем кешенең психологик үзенчәлекләре булачак һөнәрне сайлауга тәэсир итүе турында үз фикерен әйтте.
Гаилә һәм балаларга социаль ярдәм бүлеге белгечләре ишегалды уеннарын оештыру аша балигъ булмаган балаларның социаль яраклашу дәрәҗәсен арттыралар
28нче июнь, пәнҗешәмбе, 2018нче ел
Жиляев А. Г., Палачева Т. И.-ның “Шәхеснең үзоештыру чарасы буларак ишегалды уеннары” технологиясен тормышка ашыру кысаларында, Авиатөзелеш районы гаилә һәм балаларга социаль ярдәм бүлеге белгечләре Россия яшьләре көненә туры китереп,“Җәй – яңгыравыклы чор” төркемле шөгыле уздырдылар. Шөгыльдә, социаль яраклашуда авырлыклар кичерүче, 7-14 яшьлек балигъ булмаган балалар катнашты.
Катнашучылар ике командага бүленделәр. Шөгыльне оештыруга үзләрен девиант тотуга бирелүчән яшүсмерләр тартылдылар, һәм алар командаларның капитаннары булдылар. Балалар команда исемнәрен һәм үзенчәлекле девизлар уйлап таптылар. Шөгыльдә катнашучылар белән “Сугып чыгаручы”, “Буяулар”, таяк белән “Исемнәр”, “Капчыкларда йөгерү” эстафетасы ишегалды уеннары оештырылды. Балалар уеннарда актив катнаштылар, билгеле уеннарның яңа вариантларын тәкъдим иттеләр. Шөгыльдә катнашу яшүсмерләрдә тәртипләрен аңлау дәрәҗәсен күтәрүгә, максат кую, планлаштыру, оештыру һәм коммуникатив компетенцияләрне формалаштыруга булышты.
Шөгыль психоэмоциональ хәлне, активлыкны һәм балаларның кәефен яхшыртырга ярдәм итүче “Көпчәкләр” биюле флэшмобы белән тәмамланды.
Уздырылган төркемле шөгыль аралашу күнекмәләрен формалаштыру һәм әйләнә-тирәдәгеләр белән үзара нәтиҗәле хәрәкәт итүне формалаштыру, уңай тормыш кызыксынуларын үстерү аша социаль яраклашуның дәрәҗәсен күтәрүгә ярдәм итте.
- Социаль эш буенча белгечләр балигъ булмаган балаларда сәламәт яшәү рәвешенә мотивация формалаштыралар
- Психолог төркемдә үзара нәтиҗәле хәрәкәт итү күнекмәләрен үстерә
- Социаль эш буенча белгечләр балигъ булмаган балаларда сәламәт яшәү рәвеше күнекмәләрен формалаштыралар
- Социаль хезмәт буенча белгечләр балигъ булмаган балаларны төркемдә үзара нәтиҗәле хәрәкәт итүгә һәм хезмәттәшлек стратегиясенә өйрәтәләр
Страница 237 из 272