Гаилә һәм балаларга социаль ярдәм бүлеге психологы балигъ булмаган балаларның медиакиңлектә куркынычсыз тәртип күнекмәләре формалаштыра
13нче июль, җомга, 2018нче ел
Авиатөзелеш районы гаилә һәм балаларга социаль ярдәм бүлеге психологы тренинг элементлары белән “Интернет куркынычсызлыгы” төркемле шөгыле уздырды. Шөгыльдә, социаль яраклашуда авырлыклар кичерүче, 7-11 яшьлек 7 балигъ булмаган бала катнашты.
Шөгыльнең максаты: катнашучыларны медиакиңлектә эшләү кагыйдәләре белән таныштыру, интернетны кулланганда физик һәм психологик сәламәтлеккә сакчыл караш формалаштыру.
Шөгыль башында катнашучылар “Интернетның файдасы һәм зарары” әңгәмәсендә катнаштылар, аның барышында төрле белем алу һәм күңел ачу мәгълүматларының аңлаешлыгы, хәбәрләр белән алмашуның тизлеге кебек медиа киңлекне куллануның уңай якларын аерып күрсәттеләр. Шулай ук интернет кулланганда килеп чыгарга мөмкин кыенлыкларны да билгеләделәр: караклык, троллинг, янап акча алу, мәгълүматның дөрес булмавы. Әңгәмәнең нәтиҗәсе буенча катнашучылар, интернет – бу ресурс һәм өстәмә мөмкинлекләр, ләкин аны кулланганда куркынычсызлык кагыйдәләрен сакларга кирәк дигән фикергә килделәр.
Челтәрдәге тәртип кагыйдәләре белән таныштыру өчен балигъ булмаган балаларга “Интернет: дус яки дошман” видеоролигын карага тәкъдим ителде. Алган материалны ныгыту өчен балалар белән “Вирус” һәм “Челтәр” интерактив уеннары уздырылды. Балаларга “Ничек ЧЕЛТӘРГӘ эләкмәскә? Интернет белән куллану кагыйдәләре” буклетлары тапшырылды. Шөгыль бер катнашучының компьютер белән эшләгәндә күзләргә гимнастика ясауны өйрәтү мастер-классы белән тәмамланды.
Гаилә һәм балаларга социаль ярдәм бүлеге белгечләре сәламәт яшәү рәвешенә һәм конструктив ял оештыруга кызыксыну формалаштыралар
12нче июль, пәнҗешәмбе, 2018нче ел
Совет районы гаилә һәм балаларга социаль ярдәм күрсәтү белгечләре шәхеснең үзоештыру чарасы буларак ишегалды уеннары технологиясенә өйрәтү кысаларында, социаль хезмәт күрсәтүгә мохтаҗ гаиләләрнең әти-әниләре һәм балалары катнашуында, “Җәйге тамаша” спорт-сәламәтләндерү чарасы уздырдылар.
Чараның максаты: сәламәт яшәү рәвешенә кызыксыну, иптәшлек хисләре тәрбияләү, виртуаль аралашуга алмаш - конструктив ял оештыра белү формалаштыру.
Чара “Тупны дустыңа бир” сәламләвеннән башланды, аннан соң сәламәт яшәү рәвеше нигезләрен белүгә эстафета уздырылды.
Балалар чара барышында “Бәреп чыгаручы”, “Ашарга яраклы – ашарга яраксыз”, “Туңдыру”, “”Диңгез дулкынлана” хәрәкәтле уеннарында катнаштылар, тизлек, җитезлек, координация, командада эшли белүне үстерделәр.
Чара балаларда сәламәт яшәү рәвешенә мотивация, аралашу күнекмәләрен формалаштыруга ярдәм итте.
Гаилә һәм балаларга социаль ярдәм бүлеге белгечләре балигъ булмаган балаларда уңай тормыш мәнфәгатьләрен формалаштыралар
11нче июль, чәршәмбе, 2018нче ел
Авиатөзелеш районы гаилә һәм балаларга социаль ярдәм күрсәтү белгечләре иртә профориентация эше кысаларында, социаль яраклашуда авырлыклар кичерүче, шулай ук инвалид балалар тәрбияләүче гаиләләрне балалары белән, “Манеж” Күргәзмәләр залындагы “Җиңүдә никадәр матурлык” күргәзмәсенә “Минем яшәвем” хәйрия фильм күрсәтүенә чакырдылар.
Әти-әниләр балалар белән Татарстан Республикасы президенты фонды һәм Ш. Х. Галиев исемендәге Татарстан Республикасы спорт музее экспонатлары белән танышудан, балачактан футболга гашыйк, бөек футболчы булырга хыялланган, Россия җыелма командасының атаклы тренеры булган малай турында фильм караудан күп уңай хисләр алдылар.
Шөгыльдә катнашу балаларда спортка кызыксыну, үзеңнең кадерле хыялыңа барудан һәм кыенлыкларга карамый, куйган максатларга ирешүгә ышаныч формалаштырырга ярдәм итте.
Гаилә һәм балаларга социаль ярдәм күрсәтү бүлеге психологы социаль хезмәт алучы балигъ булмаган балаларда кыйммәтләр системасын формалаштыра
11нче июль, чәршәмбе, 2018нче ел
Авиатөзелеш районы гаилә һәм балаларга социаль ярдәм күрсәтү бүлеге психологы “Яшәү төсләре” циклыннан тренинг элементлары белән “Минем кыйммәтләремнең гербы” төркемле шөгыле уздырды. Шөгыльдә, социаль яраклашуда (психоэмоциональ кыенлыклар) авырлыклар кичерүче, 8-11 яшьлек 7 балигъ булмаган бала катнашты.
Төркемле әңгәмә кысаларында балалар “кыйммәт” төшенчәсен, кыйммәтләр системасының кешенең уйларына, адымына, яшәү рәвешенә тәэсир итүен карадылар. Зинкевич-Евстигнееваның “Әкиятләр остасы” проектлы метафоралы карточкаларын кулланып, “Минем кыйммәтләремнең гербы” практик күнегүендә катнашканда һәр бала үзенең кирәкле яшәү кыйммәтләре спектрын тапты. Эшнең нәтиҗәләрен йомгаклаганда, шөгыльдә катнашучылар һәркем шәхси кыйммәтләр гербын ясаган булса да, аларның һәрберсендә яшәү һәм саулык, гаилә һәм якыннар, мәхәббәт һәм казанышлар кебек төшәнчәләр булуы турында нәтиҗәгә килделәр.
Тренинг элементлары белән төркемле шөгыль гармонияле һәм уңышлы шәхес формалаштыруга, позитив Мин – концепциясе һәм кыйммәтләр системасын булдыруга ярдәм итте.
Гаилә һәм балаларга социаль ярдәм бүлеге белгечләре гаиләгә, аның гореф-гадәләренә кызыксыну формалаштыралар, якын кешеләргә ярату һәм ихтирам хисе тәрбиялиләр
9нчы июль, дүшәмбе, 2018нче ел
Совет районы гаилә һәм балаларга социаль ярдәм бүлеге белгечләре КФЭТУ КХТИ волонтерлары белән берлектә, Бөтенроссия гаилә, мәхәббәт һәм тугрылык көненә туры китереп, социаль яраклашуда авырлыклар кичерүче, шулай ук яшьтәшләре белән аралашуда кыенлыклары булган балигъ булмаган балалар өчен, “Минем гаиләм-минем байлыгым” төркемле шөгыле уздырдылар.
Максат: гаилә гореф-гадәтләренә кызыксыну формалаштыру, гаиләдәге хокуклар һәм бурычлар турында белемнәрне киңәйтү, балаларда якыннарына карата игелекле мөнәсәбәт тәрбияләү.
Шөгыль барышында балалар “Гаилә-ул кечкенә галәм” мини-әңгәмәсендә катнаштылар, анда гаиләләренең фотосын күрсәттеләр, һәм һәр гаилә әгъзасы турында сөйләделәр. Аннан соң балалар белән әкият терапиясе ысулын кулланып, вербаль һәм вербаль булмаган аралашуны, кагыйдәләр буенча эшли белүне үстерүгә юнәлдерелгән, “Төш”, “Бу кем, бел?”, “Дөрес-дөрес түгел”, “Тату гаилә” интерактив уеннары үткәрелде.
Шөгыль ахырында балалар КФЭТУ КХТИ волонтерлары белән “Минем гаиләм-минем таянычым” стена газетасын ясадылар.
Шөгыль үз гаиләсенә, аның гореф-гадәләренә кызыксыну формалаштыруга, якын кешеләргә ярату һәм ихтирам хисе тәрбияләүгә ярдәм итте.
- Гаилә һәм балаларга социаль ярдәм бүлеге белгечләре уртак иҗади эшчәнлек ярдәмендә Казан шәһәренә ярату хисе тәрбиялиләр
- Гаилә һәм балаларга социаль ярдәм бүлеге белгечләре ишегалды уеннарын оештыру аша балигъ булмаган балаларның социаль яраклашу дәрәҗәсен күтәрәләр
- Гаилә һәм балаларга социаль ярдәм бүлеге белгечләре “Авиатөзелеш һәм Яңа Савин районнары администрациясе” МКУнең мәдәният бүлеге Казан шәһәренең МББ БК белән берлектә хәйрия кино күрсәтү оештырдылар
- Гаилә һәм балаларга социаль ярдәм бүлеге белгечләре гаилә гореф-гадәтләренә ярату һәм хөрмәт тәрбиялиләр
Страница 234 из 272