Гаилә һәм балаларга социаль ярдәм бүлеге белгечләре балигъ булмаган балаларда сәламәт яшәү рәвешенең кыйммәте турында күзаллау формалаштыралар
10нчы апрель,сишәмбе,2018нче ел
“Россия балалары-2018” идарәара чара кысаларында, МББУ №161нче мәктәпнең консультация пунктында, Совет районы гаилә һәм балаларга социаль ярдәм бүлеге белгечләре һәм “3нче номерлы поликлиника”ның социаль хезмәт белгече белән берлектә, тулы булмаган, күпбалалы һәм азтәэминатлы гаиләләрнең балигъ булмаган балалары өчен, кинотренинг элементлары белән “Чикне аркылы чыкма!” дигән төркемле чара үткәрделәр.
Чараның максаты: наркотик матдәләрне куллану профилактикасы,сәламәт яшәү рәвешенә кызыксыну булдыру.
Чара барышында балалар белән ПАМ(психологик актив матдәләр) не куллану нәтиҗәләре турында мәгълүмати әңгәмә уздырылды,аннан соң,беренче чиратта яшьләр арасында, ПАМ профилактикасына караган “Ачы төтен” мультфильмы күрсәтелде.
Чараның ахырында балигъ булмаган балалар интерактив уенда катнаштылар,аның барышында алган белемнәре белән уртаклаштылар.
Белгечләр әйтүенчә, мондый чаралар, балигъ булмаган балаларда сәламәт яшәү рәвешенең кыйммәте турында күзаллауны үстерүгә ярдәм итүче профилактика эшенең өлеше булып торалар.
Гаилә һәм балаларга социаль ярдәм бүлеге белгечләре балигъ булмаган балаларның психоэмоциональ мохитен үстерәләр
9нчы апрель,дүшәмбе,2018нче ел
Идел буе районы гаилә һәм балаларга социаль ярдәм бүлеге белгечләре, “Прометей” фәнни эзләнү институты хезмәткәрләре һәм “Яхшылык тудырганда” социаль хәйрия проекты волонтерлары белән берлектә, И.К.Зарипов исемендәге галерея-студиядә, балалары социаль хезмәт күрсәтүдә торган гаиләләр өчен, төсле музыка буенча мастер-класс үткәрелде.
Мастер-классның максаты: уңай кызыксынулар булдыру, психоэмоциональ мохитне,иҗади хыялны үстерү.
Мастер-класс барышында катнашучылар,нәрсә ясауны артык күрүләре, моның өчен нинди төсләр һәм формалар куллану турында фикер алыштылар, үзләренең рәсемнәрен уйнап торган көй белән чагыштырдылар.Балалар рәсемдә сайланган төс һәм формаларның кешене ничек характерлаулары турында белделәр.
Мастер-классның ахырында,М.И.Глинканың “Руслан һәм Людмила” операсына увертюра тыңлаганда туган образларны ясадылар, рәсемнәрендә үзләренең тоемлауларын,хисләрен чагылдырырга тырыштылар.
Гаилә һәм балаларга социаль ярдәм бүлеге белгечләре гаиләдә ышанычлы мөнәсәбәтләр булдырырга ярдәм итәләр
5нче апрель,пәнҗешәмбе,2018нче ел
Гаилә һәм балаларга социаль ярдәм бүлеге белгечләре “Ата-аналарны гомуми укыту” программасы кысаларында Киров районында төркемдә шөгыль – үзләрен девиантлы тоткан балигъ булмаган балаларның ата-аналары өчен “Үз балагызны беләсезме?” практикумы уздырдылар.
Шөгыльнең максаты: ата-аналар һәм балалар арасында ышанычлы мөнәсәбәтләр булдыру, гаиләдәге уңышсызлыклар профилактикасы.
Ата -аналар шөгыльнең башында әти-әниләрнең үз балаларына игътибарлылыгы турында социаль ролик карадылар.Аннан соң балаларны тәрбияләүдә төрле карашны чагыштырырга мөмкинлек биргән, аерым тәрбия ысуллары турында дискуссия булды. Шөгыль барышында ата-аналар белән, баланың гаиләдәге ихтыяҗларыннан канәгатьлек хисе дәрәҗәсен ачыклау өчен, “Өй” методикасы буенча диагностика үткәрелде.
Проблемалы хәлләрне модельләштерүче практик уеннар һәм күнегүләр ата-аналарда зур кызыксыну тудырды, алар ата-аналарга балага якын булырга,аның нәрсә белән яшәвен,аның нинди проблемалары булуы белән кызыксыну турында уртак фикергә килергә мөмкинлек бирде.
Очрашу ахырында ата-аналарга, “Мин үз баламны беләмме икән?” дигән психолог һәм педагогларның яшүсмерләрне тәрбияләү һәм гаиләдә ышанычлы мөнәсәбәтләр булдыру буенча практик киңәшләре булган буклетлар бирелде.
Гаилә һәм балаларга социаль ярдәм бүлеге белгечләре сәламәт яшәү рәвешенә теләк формалаштыралар
4нче апрель,чәршәмбе,2018нче ел
2014-2020нче елларга Татарстан Республикасында җәмәгатьчелек тәртибе һәм җинаятьчелеккә каршылык күрсәтү” Дәүләт программасы кысаларында Авиатөзелеш районы гаилә һәм балаларга социаль ярдәм бүлеге белгечләре “Ныклы сәламәтлек – озын гомерлелек нигезе” исемле урам акциясе уздырдылар.
Акциянең максаты: тәмәке тартуга бәйлелекне кисәтү, сәламәт яшәү рәвешен популярлаштыру.
Акция кысаларында, Казан шәһәренең Авиатөзелеш районында яшәүчеләргә, бүлек хезмәткәрләре әзерләгән “Яшисегез килсә – тәмәке тартуны ташлагыз!” мәгълүмати буклеты бирелде. Буклеттагы материаллар тормыштагы юлны сайлауда шәхси җаваплылыкны аңлау һәм психоактив матдәләрне куллануны кабул итмәүгә эмоциональ, когнитив күрсәтмәләрне булдыруга юнәлдерелгән.
Белгечләр әйтүенчә, тәмәке тартуның күләмен киметүгә һәм сәламәт яшәү рәвешенә кызыксыну булдыруга юнәлдерелгән мондый акцияләр, профилактика эшләренең аерылгысыз өлеше булып торалар.
Гаилә һәм балаларга социаль ярдәм бүлеге белгечләре балигъ булмаган балаларның психоактив матдәләрне куллануына каршы эш үткәрәләр
4нче апрель, чәршәмбе, 2018нче ел
“Россия балалары” идарәара оператив-профилактика комплекслы чара оештыру һәм уздыру кысаларында Совет районы гаилә һәм балаларга социаль ярдәм бүлеге белгечләре “Тормышка “ӘЙЕ!”дип әйтик” исемле урам акциясе уздырдылар.
Акциянең максаты: балигъ булмаган балалар арасында психоактив матдәләрне куллану проблемасын актуальлләштерү һәм профилактика, сәламәт яшәү рәвешен пропагандалау.
Акция кысаларында,Казан шәһәренең Совет районында яшәүчеләргә, бүлек хезмәткәрләре әзерләгән “Мин тормышны сайлыйм” мәгълүмати буклеты бирелде.Буклеттагы материаллар балигъ булмаган балалар арасында психоактив матдәләрне куллануга тискәре караш һәм сәламәт яшәү рәвешен мотивацияләүгә юнәлдерелгән.