11нче апрель, чәршәмбе, 2018нче ел
Өйдә социаль хезмәт күрсәтү бүлеге белгечләре Казан рухи семинария студентлары белән берлектә, социаль ярдәм алучы, ялгыз өлкән кешеләрне Пасха белән котладылар.
Котлау һәм саулык теләү белән бергә өлкән кешеләргә ашамлыклар җыелмасы бирелде. Шулай ук Казан рухи семинария студентлары өй яннарын кардан чистарту эшен башкардылар.
12нче апрель, пәнҗешәмбе, 2018нче ел
“Казан шәһәре” шәһәр округында халыкка социаль хезмәт күрсәтү комплекслы үзәге” социаль хезмәт күрсәтү автоном дәүләт учреждениесендә “Мин туган илем белән горурланам!” балалар рәсем бәйгесенең нәтиҗәләрен чыгару булды. Бәйгедә эшчеләр - профсоз әгъзаларының 4 яшьтән алып 16 яшькә кадәрле 51 бала катнашты. Бәйге нәтиҗәләре буенча 4 җиңүче билгеләнде:
4-6 яшь категориясендә Кононов Кириллның “ Минем яраткан гаиләм прогулкада” рәсеме яхшы дип табылды.
7 - 11 яшь категориясендә “Спасс манарасы” рәсеме белән Гарипова Зарина һәм “Кол Шәриф мәчете” рәсеме белән Хакимуллина Адилә җиңүчеләр булдылар.
Өлкән яшь категориясендә (12 – 16 яшь) “Минем илемнең кышкы матурлыклары” эше өчен Онкол Изель җиңүче дип табылды.
Җиңүчеләрнең эшләре республика балалар рәсем бәйгесендә катнашу өчен Республика профсоюз комитетына җибәрелде.
12 нче апрель, пәнҗешәмбе, 2018нче ел
Авиатөзелеш районы гаилә һәм балаларга социаль ярдәм бүлеге психологы, социаль җайлашуда авырлык кичергән (психоэмоциональ проблемалар), 7 - 11 яшьлек 6 балигъ булмаган балалар белән “Хисләр дөньясында” циклыннан тренинг элементлары белән “Менә мин нинди!” исемле психологик үстерелешле шөгыль үткәрде.
Шөгыльнең максаты: психологик саклануның эффектив системаларын үстерү.
“Гомуми игътибар”, “ Мин иң...”,”Бүләкләр” күнегүләрендә катнашып, балигъ булмаган балалар уен рәвешендә эшнең тренинг төре һәм аның кагыйдәләре белән таныштылар, беренче дуслык бәйләнешләре урнаштырдылар. Шөгыльнең арт-терапия блогы балаларга үзләренең эчке дөньяларына үтеп керергә, үзләренең кичерешләрен, теләкләрен тоярга, яхшы якларын бәяләргә һәм төзәтергә кирәкле шәхси якларын аерып күрсәтергә мөмкинлек бирде. Үзләре турында язылган шигырьләр үзләрен танып белүнең нәтиҗәсе булды.
Тренинглы шөгыль “Кәефне ясыйбыз” техникасын кулланып рефлексия белән тәмамланды. Һәр катнашучылар үзләренең рәсемнәре өчен ачык төсләр сайладылар, бу аларның хәл һәм кәефләре яхшыруы турында раслый.
12нче апрель, пәнҗешәмбе, 2018нче ел
Татарстан Республикасында Лев Толстой елы кысаларында, Вахитов районы гаилә һәм балаларга социаль ярдәм бүлеге белгечләре, «Казан төзелеш, архитектура һәм шәһәр хуҗалыгы колледжы» волонтёрлары белән берлектә, социаль җайлашуда авырлыклар кичерүче балигъ булмаган балалары өчен “Һәр кеше кешелекне үзгәртергә тели, ләкин беркем дә үзен ничек үзгәртү турында уйламый” исемле төркемле шөгыль уздырдылар.
Шөгыльнең максаты: социаль җайлашуда ярдәм, укучылар кызыксынуын үстерү, иҗади биремнәрне мөстәкыйль эшләү осталыгын булдыру.
Шөгыль барышында балигъ булмаган балалар Л. Н. Толстойның тормыш юлыннан кызыклы фактлар, әсәрләреннән өзекләр белән таныштылар. Аннан соң балалар белән үз-үзеңне камилләштерү, үзеңдә иң яхшы әхлакый сыйфатларны тәрбияләү, тормыштагы чын байлыклар турында интерактив әңгәмә уздырылды. Шөгыль ахырында балаларга Л. Н. Толстойның “Һәр кеше кешелекне үзгәртергә тели, ләкин беркем дә үзен ничек үзгәртү турында уйламый” дигән фикере буенча мини-инша язарга тәкъдим ителде. Шөгыль иҗади эшләрне тикшерү белән тәмамланды.
Оештыручылар әйтүенчә, мондый шөгыльләр балигъ булмаган балаларга социаль җайлашудагы һәм яшьтәшләре белән аралашудагы авырлыкларны җиңәргә ярдәм итәләр.
11нче апрель, чәршәмбе, 2018нче ел
Идел буе районы гаилә һәм балаларга социаль ярдәм бүлеге психологлары Салмачи бистәсендәге МББУ “№173нче номерлы мәктәп”нең консультация пунктында, тулы булмаган, күпбалалы һәм азтәэминатлы гаиләләрнең балигъ булмаган балалары өчен, “Үзең белән гармониядә” циклыннан “Үз-үзеңне тотуның эффектив стратегиясе” дигән тренинг шөгыль уздырдылар (профилактик эш).
Тренингның максаты: балигъ булмаган балалар арасында аларның эмоциональ халәтен нормальләштерү аша эмоциональ уңышсызлык һәм суицидлар профилактикасы, үзләренең эмоциональ реакцияләрен чагылдыру белән идарә итү сәләтен булдыру.
Шөгыльнең барышында катнашучылар “Өмет һәм чынбарлык” исемле кыскаметражлы анимацион фильм карадылар. Аннан соң балалалар, каралган кадрлардан соң туган уйлары һәм хисләре турында сөйләделәр. Әңгәмә катнашучыларны шундый әһәмиятле нәтиҗәгә китерде: аралашуда иң мөһиме – эчкерсезлек.
«Карусель» күнегүендә балалар үзләрен эчкерсез һәм эчкерле әңгәмәдәш роленә куеп карадылар, һәм эчкерсез булуның авыррак икәнен билгеләделәр.
Ахырда, балигъ булмаган балалар рефлексия түгәрәгендә үзләренең тренинг турында тәэсирләре белән уртаклаштылар һәм эмоциональ интеллектны үстерүнең, икенче кешенең эмоцияләрен танырга өйрәнергә, аның ниятен, теләген аңларга, һәм шулай ук үзеңнең эмоцияләрең белән идарә итүнең мөһимлеген билгеләделәр.