3нче август, дүшәмбе, 2020нче ел

   Яңа Савин районы гаиләгә һәм балаларга социаль ярдәм бүлегендә, ведомствоара патронатта торучы гаиләләрнең балигъ булмаган балалары өчен кыска вакытлы булу төркемнәре кысаларында, "Күңелле сәяхәтчеләр" командасы формалаштырылды.

   Һәр көнне команда өйрәнелмәгән утрауларга сәяхәт итә: "Талантлар утравы","Батырлар утравы","Бәхет утравы", "Игелекле эшләр утраулары".

   Игелекле эшләр утравына сәяхәт кысаларында балалар "Мин кызгана беләмме икән?" дискуссиясендә катнаштылар, ул һәркемнең тормышта дөрес сайлау ясарга һәм яхшы гамәлләр кылырга ярдәм итә торган игелекле йөрәге барлыгын аңларга ярдәм итте. Балалар рәхәтләнеп эмоциональ ярдәмчеллекне үстерүгә һәм бер-берсенә ярдәм итә белүгә юнәлдерелгән "Кар патшабикәсе", "Хисне от", "Сукыр һәм йөртүче" уеннарында катнаштылар. Шөгыль тагын бер игелекле эш - тирә-юньне җыештыру белән тәмамланды.

   Уен психотехникасы ярдәмендә һәр "утрауда" балалар үзләренең иҗади мөмкинлеген ача, кыенлыкларны җиңәргә һәм уңышка ирешергә өйрәнә, ихтыяр сыйфатларын һәм коммуникатив күнекмәләрен күнектерә.