26нчы август, дүшәмбе, 2019нчы ел

   Татарстан Республикасы төзелү көне һәм Шәһәр көне алдыннан Совет районы гаилә һәм балаларга социаль ярдәм бүлеге хезмәткәрләре, социаль хезмәт күрсәтүдә торган гаиләләрнең балигъ булмаган балалары өчен, “Туган шәһәр урамнары буенча” төркемле шөгылен уздырдылар.

   Шөгыльнең максаты: балигъ булмаган балаларны туган як тарихы, истәлекле урыннары, милли гореф-гадәтләре белән таныштыру, төрле милләт кешеләренә карата толерант мөнәсәбәт тәрбияләү.

   Балалар шөгыль барышында, Татар АССРның 100-еллыгын бәйрәм итүгә багышланган республика бәйгесе кысаларында, бүлек белгечләре җитәкчелегендә Гыйздәтуллина Азалия һәм Гыйздәтуллина Адилә эшләгән “Туган шәһәр урамнары буенча” видеоролигын карадылар, туган якның тарихы һәм мәдәнияте, аның истәлекле урыннары, милли гореф-гадәтләре, Казан турында бәян һәм легендаларны үз эченә алган интерактив әңгәмәдә катнаштылар.

   Шөгыль ахырында “Чәчәк аткан Казан” рәсемнәр бәйгесендә катнаштылар.

   Шөгыль балаларның республика тарихы турында белемнәрен тирәнәйтергә, аның милли гореф-гадәтләренә һәм мәдәниятенә ихтирам тәрбияләргә ярдәм итте.