View settings
Font settings:
Select font Arial Times New Roman
Character spacing (kerning): Standard Medium Large
Colour scheme selection:
Казан шәһәренең Вахитов һәм Идел буе районнарының җәмәгать оешмалары һәм хезмәтләре вәкилләре катнашында түгәрәк өстәл
29нчы ноябрь, пәнҗешәмбе, 2018нче ел
Инвалидлар декадасын уздыру кысаларында Бөтенроссия инвалидлар җәмгыятенең Идел буе оешмасында Казан шәһәренең Вахитов һәм Идел буе районнарының җәмәгать оешмалары һәм хезмәтләре вәкилләре катнашында түгәрәк өстәл булып узды.
Түгәрәк өстәл эшендә “Ветераннар Советы”,”Политик репрессия корбаннары” җәмгыяте, пенсия фонды, хезмәт белән тәэмин итү үзәге, сәламәтлекне саклау идарәсе, мәгариф бүлеге, социаль страховкалау, Идел буе һәм Вахитов районы социаль саклау бүлекләре, Идел буе һәм Вахитов районы Администрациясенең мәдәният бүлеге вәкилләре катнаштылар.
Түгәрәк өстәл барышында Инвалидлар декадасында чаралар уздыру турында сораулар тикшерелде. Өйдә социаль хезмәт күрсәтү бүлеге мөдире өйдә социаль хезмәт күрсәтү тәртибе белән, өлкән яшьтәге кешеләр өчен “Тәрбиягә алган гаилә” пилот проекты һәм Тәрбия мәктәбендәге шөгыльләр турында сөйләде. Гаилә һәм балаларга социаль ярдәм күрсәтү бүлеге белгечләре гарип балалы гаиләләр белән эш юнәлешләрен күрсәттеләр.
“#ЮмартСишәмбе” кампаниясе кысаларында өйдә социаль хезмәт күрсәтү бүлеге хезмәткәрләре хәйрия ярдәме оештырдылар
29нчы ноябрь, пәнҗешәмбе, 2018нче ел
“#ЮмартСишәмбе” кампаниясе кысаларында Идел буе районы өйдә социаль хезмәт күрсәтү бүлеге белгечләре, социаль хезмәт күрсәтүдә торган 15 азҗитешле инвалидка тору урыны буенча ярдәм күрсәттеләр, ашамлыклар җыелмасы тапшырдылар.
Гаилә һәм балаларга социаль ярдәм бүлеге белгечләре “Вакыт призмасы аша” иҗади видеопректын әзерләделәр
28нче ноябрь, чәршәмбе, 2018нче ел
Халыкара әниләр көне кысаларында Совет районы гаилә һәм балаларга социаль ярдәм бүлеге белгечләре “Вакыт призмасы аша” гаилә фотоальбомы- иҗади видеопректын әзерләделәр.
Проектның максаты: гаилә кыйммәтләрен һәм гореф-гадәтләрен популярлаштыру, туганлык бәйләнешен якынайту, иң якын кешеләргә ярату һәм ихтирам тәрбияләү.
{mp4}01140.mp4{/mp4}Гаилә һәм балаларга социаль ярдәм бүлеге белгечләре студент-волонтерлар белән берлектә Әниләр көненә багышланган хәйрия концерты оештырдылар
28нче ноябрь, чәршәмбе, 2018нче ел
Россия Федерациясендә Иреклеләр һәм волонтерлар елы кысаларында Авиатөзелеш районы гаилә һәм балаларга социаль ярдәм бүлеге белгечләре Казан төзелеш, архитектура һәм шәһәр хуҗалыгы колледжы студент-волонтерлары белән берлектә, социаль хезмәт күрсәтүдә торган гаиләләр өчен, “Яхшылыкның алтын җепләре” хәйрия концерты оештырдылар. Чара Әниләр көненә багышланган иде.
Студент-волонтерлар иң кадерле һәм якын кешеләр турында тематик презентация һәм видеоматериал әзерләделәр. Концертта кечкенә катнашучыларының котлаулары дулкынландыргыч яңгырады: балалар әниләр турында рәхәтләнеп шигырьләр сөйләделәр, дәртле бию биеделәр һәм әниләргә иң изге теләкләр теләделәр.
Ахырда студент-волонтерлар әниләргә чәчәкләр, ә балаларга-буяу китабы тапшырдылар, зал белән бергә ахыргы җырны җырладылар. Аерылганда, чарада катнашучылар бер-берсенә тынычлык һәм яхшылык теләделәр.
Гаилә һәм балаларга социаль ярдәм бүлеге белгечләре балаларда ышаныч телефоны хезмәте турында күзаллау формалаштыралар
28нче ноябрь, чәршәмбе, 2018нче ел
Балигъ булмаган балаларны хокукый агарту кысаларында Совет районы гаилә һәм балаларга социаль ярдәм бүлеге белгече “Ышаныч телефоны” төркемле шөгыле уздырды.
Максат: балаларда ышаныч телефоны хезмәте турында күзаллау формалаштыру, үзләренең хокук һәм бурычлары турында белемнәрен арттыру.
Балалар шөгыль барышында балалар ышаныч телефонының эше турында белделәр, мавыктыргыч “Кечкенә кешеләрнең зур хокуклары” хокукый викторинада катнаштылар, Бөтендөнья балалар көне тарихы белән таныштылар, әкият геройлары мисалында үзләренең гамәлләрен анализларга өйрәнделәр.
- #ЮмартСишәмбе кампаниясенең “Танулар атналыгы” кысаларында гаилә һәм балаларга социаль ярдәм бүлеге белгечләре “Ачык йөрәкләр” төркемле шөгыле уздырдылар
- “#Юмартсишәмбе” кампаниясе кысаларында “ Һәркем мөһим!” урам акциясе уздырылды
- Халыкара инвалидлар көненә багышланган чаралар кысаларында Яңа Савин районында район Инвалидлар җәмгыяте әгзалары белән социаль хезмәт вәкилләре очрашуы булып узды
- «#Юмартсишәмбе» кампаниясе кысаларында Яңа Савин районы өйдә социаль хезмәт күрсәтү бүлеге белгечләре хәйрия ярдәме күрсәттеләр
Страница 193 из 272