ГАУСО "Комплексный центр социального обслуживания населения в городском округе "г. Казань"

“Сәламәт буын җирлеге” циклыннан “Конфликтны җиңү” төркемле шөгыле

   2нче август, җомга, 2019нчы ел

   Киров районы гаилә һәм балаларга социаль ярдәм бүлеге белгече, азҗитешле, тулы булмаган, күпбалалы гаиләләрнең балигъ булмаган балалары өчен, “Сәламәт буын җирлеге” циклыннан “Конфликтны җиңү” төркемле шөгылен уздырды.

   Шөгыльнең максаты: балигъ булмаган балаларның булган шәхси мөмкинлекләрен аңларга ярдәм итү, яшүсмерләрне конфликтлы хәлләргә каршы торырга һәм уңайлы ысуллар белән алардан чыгарга өйрәтү.

   Шөгыль барышында балалар белән конфликтлы хәлләрдә үзеңне тоту турында интерактив әңгәмә уздырылды. Аннан соң балалар конфликтлы хәлләрдә үзеңне дөрес тоту күнекмәләрен булдыруга юнәлдерелгән тренинг күнегүләре үтәделәр.

   Катнашучылар шөгыль ахырында “Конфликтны ничек чишәргә?” белешмәлекләрен алдылар.

Социаль эш буенча белгечләр җәйге каникулларда яшүсмерләргә эшкә урнашырга ярдәм итәләр

   1нче август, пәнҗешәмбе, 2019нчы ел

   Җәйге каникул вакытында яшүсмерләргә эшкә урнашырга ярдәм итү максаты белән Мәскәү районы гаилә һәм балаларга социаль ярдәм бүлеге социаль эш буенча белгече, социаль хезмәт алуда торган гаиләләр - 16-17 яшьлек 10 балигъ булмаган бала һәм аларның әти-әниләре өчен, тиз азык әзерләү оешмасы Бургер Кингка экскурсия оештырды.

   Оешма хезмәткәрләре яшүсмерләргә җәйге каникуллар вакытында эшкә урнашырга тәкъдим иттеләр, эш бүлмәләре буенча экскурсия оештырдылар, азыкны әзерләү, кухня зоналарында эш үзенчәлекләре, эш процессы, кассада эшләү белән таныштырдылар.

   Чара ахырында 3 балигъ булмаган бала җәйге каникул вакытында эшкә урнашырга теләк белдерделәр.

Күмәк иҗади эшләр методикасын кулланып “Дуслар көне планета буенча атлый” шөгыле

   30нчы июль, сишәмбе, 2019нчы ел

   Халыкара дуслык көне кысаларында Вахитов районы гаилә һәм балаларга социаль ярдәм бүлеге белгечләре, сәламәтлекләре чикле балалар тәрбияләүче гаиләләр өчен, “Дуслар көне планета буенча атлый” төркемле шөгылен уздырдылар.

   Шөгыльнең максаты: балаларда яхшылык, шатлык, дуслык мөнәсәбәтләре турында күзаллау формалаштыру, уңай эмоциональ кәеф булдыру, эчке шәхси мөмкинлекләрне активлаштыру.

   Шөгыль балаларның һәм әти-әниләренең “Дуслык елмаюдан башлана” интерактив уен программасында катнашуыннан башланды, ул яхшы кәеф кенә бүләк итмәде, иҗади фикерләү, хыял, кулның вак моторикасын, визуаль кабул итүне үстерүгә дә ярдәм итте. Аннан соң “Дуслык агачы” плакат-открыткасын ясау буенча мастер-класс булды.

   Белгечләр әйтүенчә, күмәк иҗади эшләр методикасын кулланып шөгыльләр уздыру уен формасында балаларны кызыклы иҗат техникаларына өйрәтергә ярдәм итә, ә сәламәтлекләре чикле балалар өчен бу социализация чарасы да.

Терроризм һәм экстремизм профилактикасы, толерантлык тәрбияләү, яшьләр арасында экстремист хәрәкәтләр профилактикасы

   29нчы июль, дүшәмбе, 2019нчы ел

   Идел буе районы гаилә һәм балаларга социаль ярдәм бүлеге белгечләре, социаль хезмәт күрсәтүдә торган гаиләләрнең балигъ булмаган балалары өчен, “Терроризм һәм экстремизм – ЮК!” циклыннан “Без төрле, ләкин без бергә” төркемле шөгылен уздырдылар.

   Шөгыльнең максаты: терроризм һәм экстремизм профилактикасы, толерантлык тәрбияләү, яшьләр арасында экстремист хәрәкәтләр профилактикасы.

   Балалар шөгыль барышында хәзерге дөньяда толерантлык төшенчәсе белән таныштылар, төрлелеккә, башка тормыш рәвешенә, үзен тотышына, гореф-гадәтләргә, хисләр, фикер, диннәренә карамыйча башка балаларны хөрмәт итәргә-толерант булырга өйрәнергә кирәклеге турында интерактив әңгәмәдә катнаштылар. Без бит барыбыз да төрле, ләкин барыбыз да тигез!

   Шулай ук балалар уен формасында террористик акт куркынычы булганда яки кылынганда үзеңне тоту кагыйдәләре белән таныштылар.

   Уздырылган шөгыль нәтиҗәсендә балалар битараф булмаска, безнең вакытында кылынган хәрәкәтләр террористик актларны кисәтә һәм әйләнә-тирәбездә кешеләрнең гомерләрен саклап калырга ярдәм итә алуын аңладылар. Бары тик халыклар арасында үзара хөрмәт һәм толерантлык терроризм үсешен кисәтә һәм җинаятьчеләрне җәмгыять ярдәменә өметсезләндерә алалар.