"Гафу итә белү" кинотренингы

   10нчы сентябрь, пәнҗешәмбе, 2020нче ел

   "Чикне узма" социаль программасы һәм "Киноҗәй" бөтенроссия акциясе кысаларында Совет районы гаиләгә һәм балаларга социаль ярдәм бүлеге психологлары "Карачкы" ("Чучело") кинофильмын карау белән "Гафу итә белү" төркемле кинотренингы уздырдылар.

   Кинотренинг социаль хезмәт күрсәтүдә торучы һәм психоэмоциональ проблемалары булган балигъ булмаган балаларның тискәре халәтен җиңүгә, аларга конфликтлы хәлләрне конструктив хәл итүдә ярдәм итүгә юнәлдерелгән.

   Фильм карар алдыннан катнашучылар "Минем көчле һәм йомшак яклары" күнегүен үтәделәр, ул аларга үзләренең уңай һәм тискәре сыйфатларын анализларга һәм һәр кимчелекнең үзендә билгеле бер өстенлеккә ия булуын аңларга мөмкинлек бирде.

   "Карачкы" фильмын караганнан соң, балигъ булмаган балалар психологлар белән бергә төп геройларның характерлары һәм гамәлләре турында фикер алышуда катнаштылар, бу, үз чиратында, үз-үзеңне анализлау күнекмәләрен үстерүгә һәм конфликтлы ситуацияләрне конструктив чишү күнекмәләрен булдыруга ярдәм итте.

   Шөгыль ахырында нинди дә булса кешегә карата тупланган хисләр белән эшләүгә юнәлдерелгән "Гафу итү хаты" практикасы үткәрелде.

   Шөгыль эмпатия, тирә-юньгә карата толерант мөнәсәбәт формалаштыруга, балигъ булмаган балаларның шәхси проблемаларын хәл итү өчен эчке ресурсын ачуга ярдәм итте.

"Шәһәр буйлап экскурсия" квесты

   10нчы сентябрь, пәнҗешәмбе, 2020нче ел

   Шәһәр һәм Республика көнен бәйрәм итүгә багышланган чаралар кысаларында Идел буе районы гаиләгә һәм балаларга социаль ярдәм бүлеге белгечләре квест форматында "Шәһәр буйлап экскурсия" дигән интерактив чара уздырдылар.

   Чараның максаты: балигъ булмаганнарны патриотик тәрбияләү, үз шәһәреңнең һәм республикаңның тарихи үткәне белән кызыксыну тәрбияләү, уңай кызыксынулар формалаштыру.

   Квест маршруты барышында балалар туган шәһәрнең истәлекле урыннары турында белделәр, легендалар һәм риваятьләр белән таныштылар, тематик табышмаклар, кроссвордлар һәм ребуслар чиштеләр, пластилин ярдәмендә Казан Кремле территориясен торгыздылар һәм Казан шәһәре символы – Зиланта еланы сурәтен ясадылар.

   Чара балаларның күзаллауларын киңәйтергә, туган якның бай мәдәни дөньясына кушылырга, аның тарихын өйрәнү белән кызыксынуны формалаштырырга ярдәм итте.

"Экстремизмга - Юк!"

   10нчы сентябрь, пәнҗешәмбе, 2020нче ел

   "Экстремизмга-юк!" айлыгы чаралары кысаларында, терроризм һәм экстремизмны профилактикалау, шулай ук халыкның терроризм һәм экстремистлык идеологиясе күренешләренә түземсезлек атмосферасын булдыруга юнәлтелгән җәмәгатьчелек фикерен формалаштыру максатыннан, Вахитов районы өйдә социаль хезмәт күрсәтү бүлеге социаль хезмәткәрләре терроризмга һәм экстремизмга каршы тору чаралары турында әңгәмәләр үткәрделәр, шулай ук "Үзеңне һәм якыннарыңны якла" дигән терроризм янаган очракта үз-үзеңне тоту кагыйдәләре турында белешмәлекләр тапшырдылар.

"Дөньяда иң мөһиме-яхшылык" дәресе

   10нчы сентябрь, пәнҗешәмбе, 2020нче ел

   Яхшылык атнасы кысаларында гаилә һәм балаларга социаль ярдәм күрсәтү бүлеге белгечләре тарафыннан "Дөньяда иң мөһиме - яхшылык» дигән төркемле дәресләр үткәрелде.

   Дәрес барышында социаль педагог (Авиатөзелеш районы) балалар белән яхшылыкның нәрсә икәнлеге турында интерактив әңгәмә үткәрде. Берәүләр өчен бу якыннарының ягымлы сүзләре, икенчеләр өчен-кешеләргә ярдәм итү омтылышы, әмма иң мөһиме-башкаларга битараф калмаска, кирәк чакта янәшәдә булырга мөмкинлек бирүче күңел үзлеге. Ә тагын яхшылык – күп ботакларга һәм тамырларга бай матур агач. Нәкъ менә шундый яхшылык агачлары балаларыбызның бармаклары белән ясаган рәсемнәрендә барлыкка килде.

   "Ихлас" клубында мөмкинлекләре чикле балалар өчен социаль педагог тарафыннан (Киров районы) "Яхшылык агачы" дип исемләнгән төркемле шөгыль үткәрелде. Балалар Бөтендөнья яхшылык көне кебек гадәти булмаган бәйрәмнең тарихы һәм традицияләре белән таныштылар, үзләренең яхшылык турында күзаллаулары һәм игелекле эшләре турында сөйләделәр, яхшылык – ул бәхет, гаилә, ә игелекле эшләр хайваннарга, кошларга, әби-бабайларга кирәк, дип билгеләп үттеләр. Шөгыль ахырында катнашучылар "Яхшылык агачы" композициясен төзеделәр, аның һәр элементы бер яхшы сүз белән башкарылган иде.