Версия для слабовидящих Версия для слабовидящих

Яңалыклар

Отделение надомного социального обслуживания

Социальное обслуживание на дому предоставляется гражданам пожилого возраста и инвалидам частично или полностью утративших способность к самообслуживанию и направлено на максимально возможное продление их пребывания в привычной социальной среде. Подробнее ...

логотип

«КАЗАН ШӘҺӘРЕ»ШӘҺӘР ОКРУГЫНДА ХАЛЫККА СОЦИАЛЬ ХЕЗМӘТ КҮРСӘТҮ КОМПЛЕКСЛЫ ҮЗӘГЕ» СОЦИАЛЬ ХЕЗМӘТ КҮРСӘТҮ АВТОНОМ ДӘҮЛӘТ УЧРЕЖДЕНИЕСЕ

Отделением социальной помощи семье и детям осуществляется организация приема граждан, выявление потребностей в социальных услугах семьи и детей, оказание социальной помощи семьям в трудной жизненной ситуации и социально опасном положении.

Подробнее ...

   15нче гыйнвар, җомга, 2021нче ел

   Россиядә Балачак унъеллыгына багышланган чаралар кысаларында балигъ булмаган балаларның иҗади сәләтләрен үстерү, күзаллауларын киңәйтү, актив гражданлык позициясен формалаштыру максатыннан, Яңа Савин районы гаиләгә һәм балаларга социаль ярдәм бүлеге белгечләре социаль хезмәт күрсәтүдә торучы гаиләләрнең балигъ булмаган балаларына балалар һәм яшүсмерләр иҗаты ачык бәйгеләрендә катнашырга әзерләнүдә булышалар.

   «Карлы декабрь» Халыкара балалар-яшүсмерләр иҗаты бәйгесендә 3нче урын өчен җиңүче дипломы белән бүләкләнгән Лаишевцев Виталийны котлыйбыз.

   «Балалар. Юл. Куркынычсызлык» Халыкара балалар-яшүсмерләр иҗаты бәйгесендә 3нче урын өчен җиңүче дипломы белән бүләкләнгән Чернов Даниилны котлыйбыз.

   Гаиләгә һәм балаларга социаль ярдәм күрсәтү бүлеге белгече Зәйнуллина Эльвина Азат кызы бәйгедә катнашучыны әзерләүдә ярдәм күрсәткәне өчен Диплом белән бүләкләнгән.

фото-1

фото-2

фото-3

   15нче гыйнвар, җомга, 2021нче ел

   Медиакуркынычсызлык нигезләрен формалаштыру эше кысаларында Авиатөзелеш районы гаиләгә һәм балаларга социаль ярдәм бүлеге психологы «Кеше мәгълүмат дөньясында» дигән төркемле шөгыль үткәрде.

   Һава шартларына бәйле шөгыль онлайн-форматта видеоэлемтә программасын кулланып узды. Интерактив очрашу кысаларында балалар викторинада катнаштылар: тематик ребуслар, табышмаклар чиштеләр һәм интернет челтәрендә куркынычсызлык турында сорауларга җавап бирделәр. Очрашу нәтиҗәләре буенча, катнашучылар Интернет кулланучылар өчен зур мөмкинлекләр ача дигән нәтиҗәгә килделәр: яңа белемнәр, аралашу һәм күңел ачу, ләкин барлык кирәкле куркынычсызлык кагыйдәләрен үтәгән шартларда гына.

   Шөгыльнең теоретик өлеше тәмамлангач, балалар, аралашу һәм укыту өчен, интернет мөмкинлекләрен конструктив файдалануның гамәли мисалы сыйфатында иҗат эшләрен башкарып, пластилинография буенча мастер-класста катнаштылар.

фото-1

фото-2

фото-3

фото-4

   13нче гыйнвар, чәршәмбе, 2021нче ел

   Авиатөзелеш районы гаиләгә һәм балаларга социаль ярдәм күрсәтү бүлегендә 2020нче елның 1нче декабрендә башланган Яңа ел чыршысы уенчыклары бәйгесендә җиңүчеләрне бүләкләү тантанасы булып узды. Бәйгедә социаль хезмәт күрсәтүдә торучы гаиләләрдән балигъ булмаган балалар катнашты.

   Бәйгенең максаты: балигъ булмаган балаларны һәм аларның гаиләләрен чыршы уенчыгы әзерләү буенча иҗади процесска җәлеп итү; сәләтле һәм иҗади балаларны ачыклау һәм аларга ярдәм итү, бәйрәм атмосферасы булдыру.

   Бәйгегә гадәти булмаган техникада: оригамидан алып бәйләнгән уенчыкларга кадәр төрле материаллардан ясалган чыршы уенчыклары тәкъдим ителгән иде! Җиңүчеләрне билгеләү җиңел булмады.

   Тантаналы көй астында бәйге призерлары мактау грамоталары һәм иҗат итү өчен җыелмалар белән бүләкләнделәр. Чарада катнашкан ата-аналар, горурланып, балаларының җиңү шатлыгын уртаклаштылар.

   Балаларга киләчәктә дә уңышлар һәм яңа җиңүләр телибез!

фото-1

фото-2

фото-3

фото-4

   Татарстан Республикасы Хезмәт, халыкны эш белән тәэмин итү һәм социаль яклау министрлыгының «2021нче елда Россия Федерациясенең аерым субъектларында даими карауга мохтаҗ булган өлкән яшьтәге гражданнарны һәм инвалидларны озак вакытлы карау системасының типик моделен тормышка ашыру турында» 29.09.202020нче ел, №667нче боерыгы нигезендә, Казан шәһәре халыкка социаль хезмәт күрсәтү комплекслы үзәге пилот мәйданчыкларның берсе булды.

   Шул уңайдан 2021нче елның 11нче гыйнварыннан көндезге бүлек эшли башлады.

   Көндезге бүлекләрнең эшен оештыру озак вакытлы карау системасының бер элементы булып тора, ул уңайлы һәм имин яшәү шартларын тәэмин итү, мөстәкыйльлекне саклау һәм чит кешеләр ярдәменә бәйлелекне киметү һәм җәмгыятькә кушылу максатларында даими карап торуны тәэмин итә.

   Көндезге бүлекләрдә беренче хезмәтләрне алучылар арасында өлкән яшьтәге гражданнар, шулай ук интеллект бозылулары, аутистик тайпылышлары булган 18 яшьтән һәм өлкәнрәк инвалидлар бар.

   Социаль хезмәт күрсәтү кысаларында көндезге эш белән тәэмин итү һәм хезмәт алучыларның ялы көненә 4 сәгатькә кадәр оештырыла. Психологлар, социаль педагоглар тарафыннан социаль хезмәтләрнең киң спектры күрсәтелә. Белгечләр тарафыннан арттерапия, бармак гимнастикасы, ДФК, бию терапиясе, аралашу тренинглары, сенсор бүлмәсендә дәресләр, «Тәрбия мәктәбе» һ. б. кебек методикалар кулланыла.

   Компьютер классын ачу һәм социаль-тернәкләндерү технологияләрен гамәлгә ашыру планлаштырыла.

   Беренче хезмәт алучылар тормыш сыйфатын яхшыртуның төп факторы буларак коммуникатив элемтәләр, көндезге мәшгульлек һәм өйдән читтә ял оештыруның мөһимлеге һәм кирәклеге турында әйтәләр.

   Көндезге бүлек түбәндәге адрес буенча урнашкан: Тинчурин урамы, 3Б йорт. Көндезге бүлекләрдә социаль хезмәтләр күрсәтү шартлары һәм тәртибе турында тулырак мәгълүматны 293-58-81 телефоны аша яки өйдә социаль хезмәт күрсәтү бүлегендә алырга мөмкин.

   12нче гыйнвар, сишәмбе, 2021нче ел

   Авиатөзелеш районы гаиләгә һәм балаларга социаль ярдәм бүлеге белгечләре Казан шәһәренең Авиатөзелеш һәм Яңа Савин районнары администрациясе ярдәмендә хәйрия нигезендә балигъ булмаган балалары булган социаль хезмәт алучы гаиләләр өчен «Мотор» сәламәтләндерү үзәгенә шугалакка бару оештырдылар.

   Чараның максаты: сәламәт яшәү рәвешен һәм актив гаилә ялын популярлаштыру, балигъ булмаган балаларның күзәтүчесезлеген һәм хокук бозуларын профилактикалау.

   Актив кышкы ял организмны сәламәтләндереп кенә калмыйча, күп кенә уңай хисләр һәм кичерешләр дә китерә. Гаиләләр шугалакка бушлай бара алдылар, рәхәтләнеп тимераякта шудылар, уеннар уйнадылар һәм саф һавада аралаштылар.

   Белгечләр билгеләп үткәнчә, ялны бергәләп үткәрү гаиләдә ышанычлы балалар-ата-аналар мөнәсәбәтләрен ныгытырга ярдәм итә.

фото-1

фото-2