«Л. Н. Толстой һәм Казан»
#2018 нче елның 23 мартында Казан шәhәре Халыкка социаль хезмәт күрсәтү комплекслы үзәгенең гаиләләргә һәм балаларга социаль ярдәм итү бүлегендә (Мәскәү районы) Л. Н. Толстойның тууына 190 ел тулу уңаеннан «Л. Н.Толстой һәм Казан» чарасы үткәрелде.
Чараның максаты: балаларны Л. Н. Толстойның иҗади мирасы белән таныштыру.
Чарада социаль ярдәм күрсәтүгә мохтаҗ булган гаиләләрдән 10 бала катнашты.
Чара барышында яхшылык һәм яманлык, гаделлек турындагы әсәрләр аша рухи тәрбия темасы яктыртылды.
Чараның төп өлешендә укучылар, алдан ук әзерләнгән фотографияләр һәм материалларны кулланып, «Л. Н.Толстой һәм Казан»дип исемләнгән стена газетасы әзерләделәр. Стена газетасы ясау вакытында балалар актив фикер алыштылар. Балаларның алган белемнәре, һичшиксез, милли горурлык һәм патриотик тәрбия формалашуга йогынты ясады.
Чара дус һәм җылы атмосферада үтте. Ахырда, язучы иҗатына багышланган стена газетасы фонында, балалар гомуми фотога төштеләр.
«Бөртектән икмәк ясала»
#2018 нче елның 22 мартында Казан шәhәре Халыкка социаль хезмәт күрсәтү комплекслы үзәгенең гаиләләргә һәм балаларга социаль ярдәм итү бүлегендә (Мәскәү районы) «Бөртектән икмәк ясала» дип исемләнгән дәрес үткәрелде.
Дәреснең максаты: икмәкнең һәрбер кеше тормышында иң төп урын алып торуы хакында башлангыч белем бирү, икмәккә карата, игенче һәм икмәк пешерүченең авыр хезмәтенә карата хөрмәт һәм сакчыл караш тәрбияләү, үзебезнең туган ягыбызга карата горурлык хисе уяту.
«КиноОко» клубы кысаларында «Икмәк – барыннан да олугърак» дип исемләнгән видеофильм күрсәтелде. Хуш исле тәмле икмәк безнең өстәлләргә килеп урнашыр өчен күпме һөнәр ияләренең хезмәт итүе турында сөйләнелде.
«Мәкальләр төзе» дип исемләнгән интерактив күнегү барышында икмәк турында шигырьләр, әйтемнәр аша балалар икмәккә карата ихтирамлы карашларын белдерделәр.
Дәреснең иҗади өлешендә, «камыр - пластика» техникасын кулланып, балалар икмәктән такыя үрделәр. Дәрес барышында яңгыраган классик музыка аһәңнәре балаларга позитив рухи кәеф бирде һәм игелекле эшләргә өндәде.
«Минем Толстой» фотобәйгесе
#23нче март көнне Яңа-Савин районындагы гаиләгә һәм балаларга социаль ярдәм күрсәтү булеге белгечләре Казан төзелеш, архитектура һәм шәһәр хуҗалыгы көллияте студентлары белән берлектә Республика яшүсмерләр китапханәсендә балалар өчен «Минем Толстой» дип исемләнгән костюмлаштырылган фотобәйге үткәрде.
Чараның төп максаты: балаларда Л.Н. Толстойның иҗатына карата кызыксындыру уяту, аның иҗатын популярлаштыру.
Чара барышында балалар Татарстан Президенты 2018 елны Татарстанда Лев Толстой елы дип игълан итүе турында белделәр, аның биографиясе белән, Казанда булу чоры һәм иҗаты белән таныштылар.
Чара азагында балалар «Война и мир» әсәре буенча костюмлаштырылган кечкенә спектаклендә катнаштылар.
Китапханәсендэ “Минем Толстой”
#2018 елның 23 мартында Казанның халыкка социаль яклау курсәтү үзәгенең Яңа –Савин районы балаларга һәм гаиләгә социаль ярдәм курсәтү булеге белгечләре тарафыннан Казан төзелеш, архитектура һәм шәһәр хуҗалыгы көллияте студентлары белән берлектә Яңа –Савин районында урнашкан яшүсмерләр китапханәсендэ “Минем Толстой” дип исемләнгән костюмлаштырылган фотобәйге үткәрелде.
Чараның төп максаты: Л.Н. Толстойның иҗаты белән таныштыру һәм аны популярлаштыру.
Чара барышында балалар 2018ел Татарстан Республикасы президенты боеругы буенча Лев Николаевич Толстой елы дип иглан ителүе турында белделәр. Язучының иҗаты һәм тормышы белән таныштылар, “Л.Н.Толстой һәм Казан” дип аталган тәкъдир карадылар.
Чара ахырында балалар Л.Н. Толстойның “Сугыш һәм тынычлык” әсәре буенча костюмлаштырылган кечкенә спектаклендә катнаштылар.
«Кояшлы кәеф»
#«Татарстан Республикасы гражданнарына социаль ярдәм итү» исемендәге 2014-2020 елларга Дәүләт программасы кысаларында, Казанның халыкка социаль хезмәт күрсәтү үзәгенең Авиатөзелеш районының гаиләгә һәм балаларга социаль ярдәм күрсәтү бүлеге белгечләре тарафыннан, 2018нче елның 23нче мартында мөмкинлекләре чикле булган балаларны тәрбияләүче гаиләләр өчен оештырылган «Надежда/Ышаныч» клубында «Кояшлы кәеф» исемле чара уздырылды.
Чара вакытында уңай эмоциональ атмосфера булдыру һәм балаларда хезмәттәшлек хисен тудыру өчен, катнашучыларга «Минем кәеф» һәм «Матур исем» дип аталган күнегүләр тәкъдим ителде. Әлеге күнегүлэр барышында балалар бер-берсен җылы сәламләделәр, кәефләре турында сөйләделәр, ак кәгазь битләренә үзләренең исемнәрен язып, аларны матур итеп бизәделәр.
Жан тынычлыгына һәм аңлауга мохтаҗ әлеге үзенчәлекле балалар, әти-әниләре белән бергә, бик теләп кызыклы биремнәр үтәделәр, «Язгы тамчы» исемле интеллектуаль викторинада катнаштылар, табигать турында шигырьләр укыдылар.
«Тылсымлы чәчәк бәйләме» исемендэ оештырылган остаханә балаларга гына түгел, шулай ук аларның әти-әниләренә дә аеруча зур тәэсир итте. Чарада катнашучылар төрле төстәге кәгазьдән чәчәкләр ясарга өйрәнделәр. Әлеге эш барышында укучылар үз-үзләрен иҗатта төрле яктан күрсәтә алдылар. Нәтижәдә, әлеге шогель балаларда иҗади фикерләү кунекмәләрен арттырырга, аларнын вак моторика усешенә йогынты ясарга, тормышка унай караш формалаштырырга һәм үз-үзеңә ышаныч тәрбияләргә ярдәм итте.
Барлык катнашучылар да үзләре белән якты хисләр, яңа кичерешләр, шулай ук уз куллары белән ясаган чәчәкләрне алып киттеләр.
Страница 264 из 272