Гаилә һәм балаларга социаль ярдәм бүлеге белгечләре сәламәтлекләре чикләнгән балаларда дөньяны позитив кабул итү формалаштыралар
23нче апрель, дүшәмбе, 2018нче ел
“Татарстан Республикасында 2014-2010нче елларда гражданнарга социаль ярдәм” программасы кысаларында, Авиатөзелеш районы гаилә һәм балаларга социаль ярдәм бүлеге белгечләре, сәламәтлекләре чикләнгән балалар тәрбияләнүче гаиләләр өчен, “Өмет” клубында “Елмаю бүләк ит” төркемле шөгыле уздырдылар.
Шөгыль башында балаларга җылы хисле атмосфера, дуслык булдыру өчен “Комплимент” күнегүе тәкъдим ителде, аның барышында балалар бер-берсен җылы сәламләделәр, үзләре турында сөйләделәр һәм бер-берләренә ягымлы сүзләр әйттеләр.
Балалар, шөгыль барышында, “Күңелле-күңелсез” уенын уйнадылар, игътибарны, иҗади фикерләүне үстерүгә юнәлдерелгән “График табышмак” һәм “Буталчык юл” күнегүләрен башкардылар, “Кызыксынулар дөньясында” интеллектуаль викторинасында катнаштылар.
“Шатлык кәрҗине” мастер-класс кысаларында балалар кәгазьдән чәчәкләр белән матур кәрҗин ясадылар. Һәр эш тә шәхси сәнгатьчә башкарылган иде, бу үз-үзеңне иҗади күрсәтүгә, хыял һәм эстетик зәвыкның чагылышына мөмкинлек бирде.
Шөгыльдә катнашучылар барысы да үзләре белән якты хисләр, яңа тәэсирләр һәм рәхәтләнеп өйләренә оригиналь эшләрен алдылар.
Оештыручылар һәм әти-әниләр сүзләре буенча, мондый шөгыльләр балаларда иҗади фикерләүне үстерүгә, дөньяны позитив кабул итү формалаштыруга, үз-үзләренә һәм үз көчләренә ышану арттыруга ярдәм итәләр.
Бөтенроссия балалар һәм яшүсмерләр иҗатының “АЧЫШ“ ачык бәйгесе
2018нче елның апрелендә сәләтле һәм талантлы балаларны ачыклау һәм ярдәм итү, баланың акыл – иҗат мөмкинлекләрен үстерергә булышу, иҗатка, матурлыкка, сәнгатькә мәхәббәт тәрбияләү максаты белән Бөтенроссия балалар һәм яшүсмерләр иҗатының “ АЧЫШ “ ачык бәйгесе узды.
Бәйгедә, Авиатөзелеш һәм Совет районнарының гаилә һәм балаларга социаль ярдәм күрсәтү бүлегендә, социаль хезмәт күрсәтүдә торучы гаиләләрнең балигъ булмаган балалары катнашты.
Бәйгенең “Рәсем” номинациясендә җиңүчеләрне котлыйбыз:
- Чиглеев Арсений (8 яшь), “Кошлар килделәр!” рәсеменең авторы;
- Халиуллина Диләрә (10 яшь), “Һәрвакыт булсын әни!” рәсеменең авторы.
Бәйгенең сертификатлары белән бүләкләнделәр:
- Цой Алиса (7 яшь), “Яз килде!” рәсеменең авторы
- Мөхәммәтшина Альбина (11 яшь), “Бәйрәм кәефе”
- Агеев Максим (11 яшь), “Яраткан әниемә чәчәкләр” рәсеме авторы
- Бакиева Камила (9яшь), “Әнигә бүләк” рәсеме авторы
Җиңүчеләрне һәм катнашучыларны әзерләгән өчен бәйгенең мактау грамоталары белән бүләкләнделәр:
- Хәсәншина Лилия Хәмәтхановна, Авиатөзелеш районы гаилә һәм балаларга социаль ярдәм бүлеге белгече
- Шубина Лилия Әкрәмовна, Авиатөзелеш районы гаилә һәм балаларга социаль ярдәм бүлеге белгече
- Яцкевич Анастасия Игоревна, Совет районы гаилә һәм балаларга социаль ярдәм бүлеге белгече.
Гаилә һәм балаларга социаль ярдәм бүлеге психологы балигъ булмаган балаларның коммуникатив сәләтләрен һәм эмпатияне үстерә
20нче апрель, җомга, 2018нче ел
Совет районы гаилә һәм балаларга социаль ярдәм бүлеге психологы, социаль хезмәт күрсәтүдәге гаиләләрнең балигъ булмаган балалары өчен, кинотренинг элементлары белән “Әгәр дустың белән юлга чыксаң...” төркемле шөгыле уздырды.
Шөгыльнең максаты: коммуникатив сәләтләрне һәм эмпатияне үстерү.
Шөгыль сәламләү йоласы белән башланып китте. Аннан соң балалар “Чучело-мяучело” һәм “Яшәгән ди бер эт” мультфильмнарын карадылар, ”Чын дуслык нәрсә ул?” темасына әңгәмәдә катнаштылар. Катнашучылар: Кайсы мультфильмда чын дуслык бирелгән? Кайсы урыннары ошады, ә кайсылары юк, һәм ни өчен? сорауларын тикшерделәр.
Әңгәмә барышында балалар эмоциональ ярдәмчеллек күрсәттеләр: “Минем уйлавымча, усал кешеләр бигрәк тә яхшылыкка мохтаҗ”, “Минемчә, кешеләрне яхшыга һәм усалга бүлергә ярамый, барысы да шартлардан, кәефтән тора”, “Кешеләр яхшылык эшләргә тиеш, ләкин ул чын күңелдән булырга тиеш”. Психолог әйтүенчә, балаларның дуслык темасына әңгәмәдә актив катнашуы, сайланган эш төренең эффектив күрсәткече булып тора.
Шөгыльнең ахырында балаларга иң ошаган мультфильм каһарманының рәсемен ясарга тәкъдим ителде.
Гаилә һәм балаларга социаль ярдәм бүлеге психологлары балигъ булмаган балаларны конструктив аралашу күнекмәләренә өйрәтәләр
20нче апреьль, җомга, 2018нче ел
Яңа Савин районы гаилә һәм балаларга социаль ярдәм бүлеге психологы, социаль хезмәт күрсәтүдә торучы гаиләләрнең балигъ булмаган балалары өчен, “Әйдәгез аралашабыз” циклыннан “Матур чынбарлык” төркемле шөгыле уздырды.
Шөгыльнең максаты: компьютер һәм интернет-бәйлелек профилактикасы.
Шөгыль барышында балигъ булмаган балалар белән “Почта”, “Кызыклы – файдалы” психологик күнегүләре, ял итүнең оештыру формалары турында, вербаль һәм вербаль булмаган аралашу алымнарын үстерүнең мөһимлеге турында интерактив әңгәмә үткәрелде. Тормыштагы төрле хәлләр турында бәхәсләшеп, балалар виртуаль аралашу дуслар белән җанлы аралашуны алмаштыра алмый, чөнки уңышлы җайлашу өчен үзеңдә коммуникатив һәм конструктив аралашу күнекмәләрен үстерү мөһим дигән нәтиҗәгә килделәр.
Өйдә социаль хезмәт күрсәтү бүлегенең социаль хезмәтчеләре инновацион “Виртуаль туризм” проектын тормышка ашыралар
20нче апрель, җомга, 2018нче ел
Бөек рус язучысы Л. Н. Толстойның тууына190 еллыкны бәйрәм итү кысаларында, Вахитов районы өйдә социаль хезмәт күрсәтү бүлегенең социаль хезмәтчеләре “Якты Алан”га виртуаль экскурсия уздырдылар.
Чараның максаты: өлкән яшьтәге һәм инвалид гражданнарның мәдәни һәм рухи үсешенә ярдәм итү, аларның игътибарларын бөек рус язучысының мирасына җәлеп итү.
Анна Семеновна Ларионова, ярдәм алучыларның берсе, экскурсион фильмны зур кызыксыну белән карады. Утар буенча йөрү аңа Лев Николаевич Толстойның кабинеты һәм китапханәсе, ул йөрергә яраткан урыннар, 150 яшьлек атаклы бакчалар белән, язучы үзе крестьян балалары өчен ачкан мәктәп урнашкан бина белән танышырга мөмкинлек бирде. Бу мавыктыргыч һәм танып белү сәяхәте Анна Семеновнага 19нчы гасырның рус дворян утарлар дөньясын, Лев Толстой яшәгән һәм иҗат иткән, сирәк очрый торган архитектура комплексын күрергә мөмкинлек бирде.