Select font Arial Times New Roman
Character spacing (kerning): Standard Medium Large
7нче сентябрь, җомга, 2018нче ел
Яңа Савин районы гаилә һәм балаларга социаль ярдәм бүлеге педагогы, “Безнең шәһәр” шөгыльләр циклы кысаларында, мәдәни оештыручы белән берлектә “N шәһәренең барлыкка килүе” шөгылен уздырдылар.
Шөгыльнең максаты: балаларны Казан шәһәрендәге белем бирү учреждениеләре һәм балаларга өстәмә белем бирү юнәлеше белән таныштыру.
Шөгыль башында балалар Казан шәһәрендәге белем бирү учреждениеләре һәм балаларга өстәмә белем бирү юнәлеше белән таныштылар. Аннан соң үзләренең Пиксель-Гранд шәһәре макетында таныш белем бирү учреждениеләрен: балалар бакчаларын, мәктәпләрне, югары уку йортларын, балаларга өстәмә белем бирү учреждениеләрен урнаштырдылар.
Яшүсмерләр шөгыль ахырында изонить(рәсем ясау җебе) техникасында катыргыда чигү булдыру буенча өстәмә белем бирү мастер-классында катнаштылар.
7нче сентябрь, җомга, 2018нче ел
Мәскәү районы гаилә һәм балаларга социаль ярдәм бүлеге психологы “Әхлак дәресләре” циклыннан “Конфликтларны хәл итү” төркемле шөгыле уздырды.
Шөгыльнең максаты: конфликтлы хәлдә уңышлы үзара тәэсир итү һәм үзеңне нәтиҗәле тоту күнекмәләрен формалаштыру.
Шөгыль “Конфликт –ул...” тренинг күнегүеннән башланды. Балалар конфликтлы хәлләр турында үзләренең күзаллаулары белән уртаклаштылар.”Мәкальне җый”, “Геометрик фигуралар” интерактив күнегүләрен башкарып, катнашучылар уңышлы үзара тәэсир итү күнекмәләрен үстерделәр. Аннан соң И. А. Крыловның яңача куелыштагы “Аккош, кысла һәм чуртан” мәсәленең видеокуелышын карадылар. Аның турында фикер алышу, балаларга үзара мөнәсәбәтләрдә бер –берең белән килешә, тыңлый һәм аңлый белергә кирәклеген аңларга ярдәм итте.
7нче сентябрь, җомга, 2018нче ел
Л. Н. Толстойның тууына 190-еллыкны бәйрәм итү алдыннан Киров районы гаилә һәм балаларга социаль ярдәм бүлегендә, җәй буе уздырылган “Л. Н. Толстой әсәрләре битләре буенча” балалар рәсем бәйгесе йомгаклары чыгарылды.
Бәйгенең максаты: балигъ булмаган балаларның бөек язучы иҗатына кызыксынуын арттыру, аның әдәби мирасына тарту.
Бәйгедә социаль хезмәт алуда торган гаиләләрнең балалары катнашты. Рәсемнәр төрле техника һәм сурәтләү чаралары белән башкарылган иде. Яшь рәссамнар үзләренең эшләренә хыял һәм осталыкларын салганнар. Рәсем ясау өчен иң зур теләк Л. Н. Толстойның “Арыслан һәм эт”, “Филипок”, “Песи баласы” хикәяләре буенча булды.
Өлкән яшь категориясендә Гыймадиева Илнара(“Филипок” хикәясенә рәсем), урта яшь категориясендә Абрамова Татьяна (“”Бөркет һәм ташбака” хикәясенә рәсем), Абрамова Дарья (“Песи һәм тычканнар” хикәясенә рәсем), Гыймадиева Камилә(“Аккош” хикәясенә рәсем), Савельев Станислав (“Песи баласы” хикәясенә рәсем), кече яшь категориясендә Гыймадиева Азалия (“Тычканнар” хикәясенә рәсем), Сафина Камилла (“Чәүкә һәм чүлмәк” хикәясенә рәсем) бәйгенең җиңүчеләре булдылар.
Шулай ук бәйгедә социаль хезмәт алуда торган гаиләләр актив катнаштылар. Бу номинациядә Шагидуллиннар гаиләсе җиңде.
Җиңүчеләрне тәбриклибез! Бәйгедә катнашучыларның барысына да рәхмәт белдерәбез! Алда иҗади уңышлар телибез!
5нче сентябрь, чәршәмбе, 2018нче ел
Халыкара өлкәннәр көне алдыннан Совет районы гаилә һәм балаларга социаль ярдәм бүлеге психологлары Казан медицина университетының “Социаль хезмәт” факультеты волонтерлары белән берлектә, социаль яраклашуда авырлыклар кичерүче балигъ булмаган балалар өчен, “Ясалган бизәкләр” төркемле шөгыле уздырдылар.
Шөгыльнең максаты: коммуникатив һәм иҗади күнекмәләрне үстерү, сәнгать дөньясына тарту.
Балалар шөгыль барышында “Без барыбыз да шундый төрлеләр” бәхәсендә, эмоиональ ярдәмчеллек, төркемдә психологик уңайлылык үстерүгә юнәлдерелгән “Минем дусларым”, “Игътибар белән тыңла”, “Үзеңә дус тап” интерактив күнегүләрендә катнаштылар. Гамәли өлешендә “Городецк бизәге” мастер-классы уздырылды. Балалар городецк бизәгенең үсеш тарихы, халык осталарының эшләре белән таныштылар, волонтер-остазлары җитәкчелегендә городецк бизәге стилендә матур такталар ясадылар.
Халыкара өлкәннәр көнендә мастер-класста катнашучылар үзләре ясаган эшләнмәләрен өйдә социаль хезмәт алуда торган өлкән яшьтәге кешеләргә бүләк итәчәкләр.
3нче сентябрь, дүшәмбе, 2018нче ел
«Экстремизмга-Юк!» декадасы кысаларында Авиатөзелеш районы гаилә һәм балаларга социаль ярдәм бүлеге белгечләре “Тынычлык һәм иминлек территориясе” Игелек дәресе уздырдылар.
Максат: мииләтара һәм конфессияара мөнәсәбәтләрдә толерантлык тәрбияләү, хокукый мәдәниятне үстерү.
Балалар Бесландагы фаҗигале 2004нче елгы 1-3нче сентябрь вакыйгалары турында презентация белән таныштылар, илдә булган террористик актларның корбаннарын һәм хезмәт бурычын үтәгәндә вафат булган хокук саклау органнары хезмәткәрләрен искә алдылар. “Явызлыкка ничек каршы торырга?” әңгәмәсе барышында балигъ булмаган балалар толерантлык, үзара ихтирамлык үсешенең әһәмиятлелеген тикшерделәр, чөнки нәкъ менә шушы сыйфатлар терроризм үсешен кисәтергә мөмкинчелек бирә, җинаятьчеләргә җәмгыятьтән ярдәмгә өметтән мәхрүм итәләр.
Катнашучылар, сабырлык һәм игелеклелек, иҗтимагый урыннарда үзен тоту күнекмәләрен формалаштырырга, бер-берсенә карата ихтирам һәм изгелеклелек тәрбияләүгә юнәлдерелгән, “Яхшылык һәм явызлык”, “Минем эшчәнлегем” күнегүләрен башкардылар. Чара ахырында балаларга төрле гадәттән тыш вакыйгалар барлыкка килгәндә үзеңне тоту кагыйдәләре белән “Мин һәм минем иминлегем” буклетлары тапшырылды.
Дәрес балигъ булмаган балаларның иҗтимагый үзаң һәм гражданлык позициясен формалаштырырга, хокукый мәдәниятне үстерергә ярдәм итте.
Страница 218 из 272