Select font Arial Times New Roman
Character spacing (kerning): Standard Medium Large
9нчы август, җомга, 2019нчы ел
“Өлкән буын” проектын, “Демография” милли проектын тормышка ашыру кысаларында, Совет районы өйдә социаль хезмәт күрсәтү бүлеге хезмәткәрләре социаль хезмәт алучыларның “көмеш” яшьтәге волонтер Рейникова Людмила Михайловна белән очрашуын оештырдылар.
Шөгыльнең максаты: өлкән яшьтәге кешеләрне сәламәтләндерү физкультурасына кушу, организмның гомуми тонусын тоту, уңай теләк булдыру.
Гимнастика – физик активлыкның иң кулай төре. Ул өлкән яшьтәге кешеләрнең яшәеш сыйфатын күпкә күтәрергә мөмкинлек бирә, үзләренә ышанычларын арттыра һәм кәефне күтәрә.
Хезмәт алучыларның әйтүенчә, мондый шөгыльләр организмның төрле авыруларга каршы торучанлыгын арттырырга ярдәм итә, шулай ук аралашуның бик яхшы чарасы булып тора.
31 июля 2019 г., среда
В ГАУСО «КЦСОН в городском округу «город Казань» началось обучение социальных работников системе долговременного ухода. Занятия проводятся тренером Артамоновой Е. А., обученным по программе «Проведение обучающих тренингов персонала организаций социального обслуживания» (г. Москва), для группы из 8 человек.
На первом занятии «Система долговременного ухода» были рассмотрены вопросы необходимости СДУ, теоретические основы процесса и планирования ухода, изучение оценочных шкал (шкала Бартел, шкала Нортон, шкала болей, шкала падений, краткая шкала оценки психического статуса (MMSE), значение биографии клиента при организации ухода.
В рамках второго занятия «Кинестетика - наука о движении и перемещении» изучены принципы и цели кинестетики, структура тела человека, основные стартовые позиции человека, принципы транспортировки, основные способы перемещения, риски при неправильном уходе. Особое внимание было уделено формированию практических навыков по способам перемещения. Участники занятия смогли друг на друге смоделировать ситуацию передвижения при помощи вспомогательных средств (пояс).
Занятия вызвали большой интерес у социальных работников, поскольку являются практическим инструментом в правильной организации ухода за гражданами пожилого возраста и инвалидов.
Яушева Софья Павловна 1931нче елның 6нчы мартында Чиләбе шәһәрендә эшче гаиләдә туа. Аның балачагы Бөек Ватан сугышы башлану белән 10 яшендә тәмамлана.
Беренче көннәрдән үк әтисе фронтка китә, декабрьдә ул якынлашып килүче фашизмга каршы аяусыз сугышларда һәлак була. 1943нче елда аның әнисе һәм олы абыйсы фронтка китә. Софья Павловна Татарстан Республикасының Мөслим районындагы балалар йортына эләгә. Бер айдан соң аны шул ук районда гаиләгә тәрбиягә алалар. Кечкенә Софья, сугыш чоры балалары кебек үк, колхоз кырында һәм фермада фидакарь хезмәт куя, Җиңүне үз көчләре белән якынайта.
1949нчы елны Софья Павловна туган Чиләбе шәһәренә кайта, анда электродлар җитештерү заводында токарь булып эшли, бер үк вакытта эшче яшьләр мәктәбен тәмамлый. 1953нче елдан 1992нче елга кадәр Софья Павловна хәрби ире белән Баку шәһәрендә яши, анда Әзербайҗан Республикасы Эчке эшләр органнарында хезмәт итә. 1992нче елны ире вафатыннан һәм пенсиягә чыкканнан соң, Софья Павловна кызына даими яшәү урынына Казан шәһәренә күчеп китә.
Софья Павловна тыл хезмәтчәне, хезмәт ветераны. Күп кенә Мактау грамоталары һәм юбилей медальләре белән бүләкләнгән.
Колесников Николай Андреевич 1925нче елның 22нче февралендә Пенза өлкәсе Башмаковский районы Пятницкий авылында, ярлы крестьян гаиләсендә туган. Ул вакытта әтисенең хуҗалыгы да, йорты да, мал-мөлкәте дә булмый. Ул гаиләдә өченче бала була.
1933нче елны Николай Андреевич мәктәпкә укырга керә һәм Бөек Ватан сугышы башланганда 7 сыйныфны яхшы билгеләргә тәмамлый. Сугыш башлангач авылда тормыш бөтенләй үзгәрә. Авылның барлык олы яшьтәге халкы фронтка чакырыла һәм китә. Картлар һәм балалар гына кала, аларга сугышның барлык авырлыгы ята. Сугышка кадәр әтисе тимерче булып эшли, димәк, Николай Андреевич аның урынына калырга тиеш була. Аңа бары 16 яшь була.“Барлык һөнәрләр остасы” булырга туры килә.
Аңа 17 яшь тулгач, Ульяновск пехота училищесына җибәрәләр, алар анда 6 ай укыйлар. Бервакыт төнлә, тревога буенча алтмыш километрлы марштан соң, аларны товар вагоннарына төяп фронтка озаталар. Кая алып баруларын алар белмиләр.
Козельск станциясеннән алар Орел ягына марш ясыйлар, аларны анда төрле частьләргә бүләләр. Николай Андреевич Орелны азат итү сугышларында катнаша. Ул рәхимсез бәрелешләрдә Николай Андреевичка пулемтчылар бүлеге белән командалык итәргә туры килә. Шәһәрне азат иткәч, безнең армия Брянск ягына юнәлә. Һөҗүмнең 7нче көнендә Николай Андреевич аягына җиңелчә яралана, кыр госпиталенә эләгә.
Госпитальне бертуктаусыз бомбага тоталар. Һәм, ахыр чиктә, аның барлык җир өстендәге биналары тузанга әйләнә. Алар борынгы чиркәүнең подвалына качып котылалар. Монда алар 3 ай булалар.
Терелгәч аны үзенең, Брянскны азат итү сугышлары алып барган, частена җибәрәләр. Алда Николай Андреевич дивизиясенең юлы Смоленск, Орша, Минск һәм Белоруссиянең тагын күп эре торак пунктларына таба сузыла. Литвада ул икенче тапкыр, бу юлысы сул балтырына, каты яралана. Николай Андреевич эләккән кыр госпитален икенче көнне үк бомбага тоталар. Николай Андреевичны Смоленскка җибәрәләр. Ләкин тиздән ул медсанчастьне да 20 немец бомбардировщиклары юк итәләр. Өч тәүлеккә якын яралылар, бертуктаусыз дошман артиллериясе уты һәм бомбага тотуы астында, Смоленск тимер юлы станциясе хәрәбәләре астында яталар. Аннан соң аларны илнең уртасына эвакуациялиләр. Шулай итеп Николай Андреевич Орехово-Зуевога килеп эләгә. Анда ул 4 ай ята һәм 1943нче елның февралендә тагын фронтка килә. Бу вакытта Николай Андреевичның әтисе Калинин юнәлешендә, апасы Полина Кавказда, ә үзе Өченче Белорус фронтында сугыша. 1944елны Кенигсберг өчен сугышларда контузия ала, сөйләме югала.
1945нче елның язы килә. Җиңү көне, сугыш башланган көн кебек үк, пароходларның озак гудоклары, рупорга:”Җиңү! Җиңү! Без җиңдек!” кычкырулары, елау һәм шатлык белән истә калды. Бөтен ил елый һәм шатлана. Берәүләр үлгәннәр турында еласа, башкалар ирләре, уллары, абыйлары кайтыр диеп, куанычтан елыйлар. Ирексездән кичерергә туры килгән барысы да искә төшә.
Тиздән Николай Андреевичны пешекчеләр әзерләү курсларына сайлап алалар. Ул сәгатьтә ул әле үзенең Җиңү Парадында катнашучыларны тәэмин итү өчен әзерләүләрен белми. Мәскәүдә пешекчеләр эшенә өйрәнә, ә Матрос тынлыгында яши. Бер айдан, парадтан соң Очаково хәрби частена күчерелә, ә 1945нче елның сентябрендә яралары буенча азат ителә.
Өенә ике тәүлек кайта. Туган станциясендә поезд туктамый һәм аңа поезддан сикерергә туры килә. Кичке сәгать 10 була, авыл аша барганда беркемне дә очратмый. Өенә якыная, ә ут юк, курка кала. Шакыгач, әнисе кем булуын сорый. “Мин!”-ди ул. Әнисе ышанмый һәм озак дәшми. Ул куркып кала һәм ишекне ватарга уйлый. Ләкин әнисе көчен җыеп ишекне ача, улының исән булуына ышанмый. Лампаны яндыргач, әнисе елый-елый аны кочаклый башлый. Бары тик шул вакытта гына аның өйгә кайтуына ышана. Тавышка күршеләре җыела, аннан алданрак кайткан апасы Полинаны чакырырга җибәрәләр.
1946 елны ул өйләнә. 1947нче елны күрше авылда госпитальләр буенча таныш медицина хезмәте старшинасы белән очраша. Шулвакыт ул аның киңәше буенча хатыны белән шунда урнашкан хәрби частькә хезмәткә керә.
1952нче елны Николай Андреевичны офицерлар әзерләү курсларына җибәрәләр. Шулай итеп аның яңа офицер тормышы башлана. Николай Андреевич Самара астында, Германиядә хезмәт итә, карьерасын Казанда тәмамлый. Яше буенча полковник дәрәҗәсендә азат ителә.
Сугышчан казанышлары өчен Николай Андреевич 1нче дәрәҗә Ватан сугышы ордены, “Сугышчан казанышлар өчен”, “Германияне Җиңү өчен” медальләре белән бүләкләнә.
Сугыш елларын искә төшереп, Николай Андреевич исән калуына һәм Җиңүне каршылавына куана!
Татарстан Республикасы Хезмәт, халыкны эш белән тәэмин итү һәм социаль яклау министрлыгының «2021нче елда Россия Федерациясенең аерым субъектларында даими карауга мохтаҗ булган өлкән яшьтәге гражданнарны һәм инвалидларны озак вакытлы карау системасының типик моделен тормышка ашыру турында» 29.09.202020нче ел, №667нче боерыгы нигезендә, Казан шәһәре халыкка социаль хезмәт күрсәтү комплекслы үзәге пилот мәйданчыкларның берсе булды.
Шул уңайдан 2021нче елның 11нче гыйнварыннан көндезге бүлек эшли башлады.
Көндезге бүлекләрнең эшен оештыру озак вакытлы карау системасының бер элементы булып тора, ул уңайлы һәм имин яшәү шартларын тәэмин итү, мөстәкыйльлекне саклау һәм чит кешеләр ярдәменә бәйлелекне киметү һәм җәмгыятькә кушылу максатларында даими карап торуны тәэмин итә.
Көндезге бүлекләрдә беренче хезмәтләрне алучылар арасында өлкән яшьтәге гражданнар, шулай ук интеллект бозылулары, аутистик тайпылышлары булган 18 яшьтән һәм өлкәнрәк инвалидлар бар.
Социаль хезмәт күрсәтү кысаларында көндезге эш белән тәэмин итү һәм хезмәт алучыларның ялы көненә 4 сәгатькә кадәр оештырыла. Психологлар, социаль педагоглар тарафыннан социаль хезмәтләрнең киң спектры күрсәтелә. Белгечләр тарафыннан арттерапия, бармак гимнастикасы, ДФК, бию терапиясе, аралашу тренинглары, сенсор бүлмәсендә дәресләр, «Тәрбия мәктәбе» һ. б. кебек методикалар кулланыла.
Компьютер классын ачу һәм социаль-тернәкләндерү технологияләрен гамәлгә ашыру планлаштырыла.
Беренче хезмәт алучылар тормыш сыйфатын яхшыртуның төп факторы буларак коммуникатив элемтәләр, көндезге мәшгульлек һәм өйдән читтә ял оештыруның мөһимлеге һәм кирәклеге турында әйтәләр.
Көндезге бүлек түбәндәге адрес буенча урнашкан: Тинчурин урамы, 3Б йорт. Көндезге бүлекләрдә социаль хезмәтләр күрсәтү шартлары һәм тәртибе турында тулырак мәгълүматны 293-58-81 телефоны аша яки өйдә социаль хезмәт күрсәтү бүлегендә алырга мөмкин.
Страница 295 из 295