View settings
Font settings:
Select font Arial Times New Roman
Character spacing (kerning): Standard Medium Large
Colour scheme selection:
«Яз килә, Нәүрүз килә»
22нче март, дүшәмбе, 2021нче ел
Вахитов районы гаиләгә һәм балаларга социаль ярдәм бүлеге социаль педагогы, социаль хезмәт күрсәтүдә торучы гаиләләрдәге балигъ булмаганнар өчен, мәдәни оештыручы белән берлектә, “Нәүрүз” милли бәйрәменә багышланган “Яз килә, Нәүрүз килә” төркемле шөгылен үткәрде.
Максаты: балаларны «Нәүрүз» милли бәйрәме белән таныштыру, халык гореф-гадәтләре турында күзаллау булдыру, халык мәдәнияте белән кызыксынуны арттыру, толерантлык тәрбияләүгә ярдәм итү.
Шөгыль барышында балалар «Нәүрүз» бәйрәменең килеп чыгышы һәм әһәмияте турында видеоролик карадылар, аны бәйрәм итү традицияләре, милли костюмнар, аш-су, сәнгать-гамәли иҗат белән таныштылар.
Шөгыль ахырында балигъ булмаганнар татар милли киемнәрен бизәү буенча мастер-класста катнаштылар.
«Тарих битләре буйлап» хәйрия экскурсиясе
22нче март, дүшәмбе, 2021нче ел
Туган телләр һәм халыклар бердәмлеге елына багышланган чаралар кысаларында Авиатөзелеш районы гаиләгә һәм балаларга социаль ярдәм бүлеге белгечләре социаль хезмәт алучы гаиләләр өчен «Тарих битләре буйлап» дип исемләнгән хәйрия экскурсиясе оештырдылар.
Максаты: балигъ булмаганнарда танып-белү активлыгын үстерү, толерантлык тәрбияләү һәм коммуникатив культура формалаштыру.
Гаиләләр игътибарына «Идел буе халыклары костюмнары» дигән мавыктыргыч экспозиция күрсәтелде, анда күптөрле костюмнар, бизәнү әйберләре, баш киемнәре, аяк киемнәре тәкъдим ителде. Балалар да, өлкәннәр дә үзләрен кызыксындырган күп кенә сорауларга җавап таптылар: XVII—XIX гасырларда ничек киенгәннәр, хатын-кызлар нинди бизәкләр киеп йөргәннәр, ирләргә ниндие яраган, традицион татар хәситәләре, яка чылбыры һәм чулпы нинди авырлыкта булган, шулай ук башка бик күп нәрсәләр. Күн мозаика техникасында эшләнгән читекләрне күрделәр, нәкъ менә шул бизәкле читекләр татарларны төрле этно-территориаль төркемнәрдән аерып күрсәткән.
Чара балигъ булмаганнарны туган як тарихы һәм мәдәнияте белән таныштыруга, халык традицияләре белән танышуга ярдәм итте.
Якутиядән килгән коллегалары белән тәҗрибә уртаклаштылар
19нчы март, җомга, 2021нче ел
16-18 мартта тәҗрибә уртаклашу кысаларында Татарстан Республикасына Саха Республикасы (Якутия) Хезмәт һәм социаль үсеш министрлыгы каршындагы «Победа» социаль яклау ресурс үзәге делегациясе килде.
18 мартта визит ахырында кунаклар Казан шәһәренең халыкка социаль хезмәт күрсәтү комплекслы үзәгендә булдылар, анда «Татарстан Республикасы халкының социаль регистры» дәүләт мәгълүмат системасы, озак вакыт карау системасын оештыру, дистанцион социаль хезмәтләр күрсәтү технологиясе белән таныштылар. Аларны Татарстанның социаль өлкәсенең мәгълүматлаштыру дәрәҗәсе шаккатырды.
«Стресс: аны ничек җиңәргә?»
19нчы март, җомга, 2021нче ел
Балигъ булмаганнарның үз-үзләренә кул салуны кисәтү буенча чаралар планы кысаларында Казанның Идел буе районы гаиләгә һәм балаларга социаль ярдәм бүлеге психологы Казанның Идел буе районы МБББУ «100нче урта гомуми белем бирү мәктәбе» консультатив пункты базасында яшүсмерләр өчен «Стресс: аны ничек җиңәргә?» дигән төркемле шөгыль үткәрде.
Шөгыльнең максаты: стресс кичерү шартларында үз-үзеңне конструктив тоту күнекмәләрен формалаштыру.
Шөгыль барышында яшүсмерләр стресс шартларында кичерә торган тискәре хис-тойгылар турында сөйләштеләр һәм «Стресстан чыгу» психологик күнегүләре ярдәмендә стрессны җиңү ысуллары турында белемнәрен киңәйттеләр.
Шөгыль ахырында балаларга Казан шәһәре психологик-педагогик ярдәм үзәкләре һәм гомумроссия 8-800-2000-122 балалар ышаныч телефонының контакт мәгълүматлары белән мәгълүмати буклетлар тапшырылды.
«Стереофотография»
19нчы март, җомга, 2021нче ел
Фән һәм технологияләр елын үткәрү чаралары планы кысасында «Светлячок» ЦСНО һәм «Эрмитаж – Казан» Үзәге катнашында Совет районы гаиләгә һәм балаларга социаль ярдәм күрсәтү бүлеге хезмәткәрләре тарафыннан музейга - «Казан Кремле» тыюлыгында социаль хезмәт күрсәтүдә торучы балалары булган гаиләләр өчен хәйрия сәфәре оештырылды,. Экскурсия «Стереофотография» темасына багышланган.
Чараның максаты: балаларны тарихи-танып-белү юнәлешендәге иҗади эшчәнлеккә җәлеп итү, туган як тарихына һәм мәдәниятенә карата кызыксыну уяту.
Экскурсия Иске Казан буйлап сәяхәт форматында узды. Балалар стереофотографиянең нәрсә икәнлеген, ХІХ-ХХ гасырлар Казанына күләмле рәсемнәр аша ничек карарга мөмкин икәнлеген белделәр, нинди җиһазлар ярдәмендә күләмле фоторәсемнәрне 100 ел элек булдырганнар һәм караганнарын күрделәр. Борынгы фоторәсемнәр белән янәшә 2020 елда шул ук нокталардан төшерелгән заманча фоторәсемнәр урнаштырылды. Шулай итеп балаларга шәһәрнең ничек итеп үзгәргәнлеген күрсәттеләр.
Чара азагында балигъ булмаганнар «Казан Кремле» открыткаларын ясау буенча мастер-класста катнаштылар, 3D – фотографияләр һәм заманча трендлар булдыру ысуллары белән таныштылар. Уку балаларда зур кызыксыну уятты!
Страница 5 из 272