Select font Arial Times New Roman
Character spacing (kerning): Standard Medium Large
21нче май, дүшәмбе, 2018нче ел
Вахитов районы өйдә социаль хезмәт күрсәтү бүлеге белгечләре бөек рус язучысы Л. Н. Толстойның тууына 190-еллыкны бәйрәм итү кысаларында, ял көне Казан шәһәренең Япеев урамындагы 15нче йортта урнашкан Л. Н. Толстой музеена бардылар.
Чараның максаты – бүлек белгечләрен мәдәни, танып-белү һәм рухи үстерү, рус язучысының бөек мирасына игътибар җәлеп итү.
Музей комплексы буенча экскурсия барышында социаль хезмәткәрләр үзләре өчен язучының бер-берсе белән аерылмас бәйләнгән тормышы, гаиләсе һәм иҗаты, Казан шәһәрендә яшәгән еллары, Казан Император университетында укуы турында күп кызыклы фактлар ачтылар, бөек рус язучысы яшәгән һәм иҗат иткән 19нчы гасыр дөньясына кагыла алдылар. Экскурсия барышында алган белемнәрен, социаль хезмәткәрләр өйдә социаль хезмәт күрсәтүдә булган гражданнар белән, Л. Н. Толстойга багышланган төрле чараларны уздырганда кулланырга планлаштыралар.
21нче май, дүшәмбе, 2018нче ел
VII Бөтенроссия “”Иреклеләр – балаларга” акциясе һәм Л.Н. Толстой елы кысаларында “Казан шәһәре” шәһәр округында халыкка социаль хезмәт күрсәтү комплекслы үзәге” социаль хезмәт күрсәтү автоном дәүләт учреждениесенең Авиатөзелеш районы гаилә һәм балаларга социаль ярдәм бүлеге белгечләре, социаль хезмәт күрсәтүдә торган һәм авыр социаль куркыныч хәлдәге балалы гаиләләр өчен “Бәхетле илдә бәхетле балачак”кинотренингы уздырдылар.
Балалар һәм ата-аналар кызыксыну белән Л.Н. Толстойның тормышы һәм иҗаты турындагы презентация, язучының тормыш юлыннан кызыклы фактлар белән таныштылар. “Филипок” әсәрен уку үзенчәлекле кызыксыну тудырды. Интерактив тактада рәсем белән текстлар күрсәтелде, аларны рольләргә бүлеп уку мөһим иде. Сюжет турында сөйләшкәндә балалар, хыяллар тормышка аша, бары тик үзеңә ышанырга, авырлыклардан курыкмаска һәм белемгә омтылырга кирәк дигән фикергә килделәр.
Ахырда Л.Н. Толстойның шул исемдәге әсәре буенча ясалган “Янгын сүндерүче этләр” кыска метражлы мультфильмын карадылар.
Оештыручыларның әйтүенчә, кинотренинг балигъ булмаган балаларның социаль күнекмәләрен формалаштырырга, актив тормыш урынын, уңышлы социализация, укучы кызыксынуы тәрбияләүгә ярдәм итте.
18нче май, җомга, 2018нче ел
VII Бөтенроссия “”Иреклеләр – балаларга” акциясе һәм Бөтендөнья музейлар көне кысаларында Яңа Савин районы гаилә һәм балаларга социаль ярдәм бүлеге белгечләре ДАПББУ “Халыкара сервис колледжы” волонтерлары белән берлектә социаль хезмәт күрсәтүдә торган гаиләләрнең балигъ булмаган балалары өчен ТР Милли музеена экскурсия оештырдылар.
Максат: туган якның тарихына һәм мәдәниятенә танып-белү кызыксынуы үстерү.
Балигъ булмаган балалар, ТРның халык язучысы, Тукай премиясе лауреаты Рабит Батулланың 80-еллыгына багышланган “Без балачактан” әдәби салонында булдылар, аның тормыш юлы, иҗаты турында белделәр. Шулай ук балалар театральләштерелгән-костюмлы тарихи персонажлар булган экспозицияне презентацияләү белән гасырлар түренә сәяхәт ясадылар. Ачык төсле тарихи киемнәр кигән музей хезмәткәрләре борынгы төсләрне искә төшерделәр, балаларга музыкада шул чорның сулышын җиткерделәр, борынгы Болгарда яшәүчеләрнең халык кәсепләре эшләнмәләрен һәм кул эшләрен күрсәттеләр. Балаларга бик тә иҗади остаханә, музыка коллективы һәм безнең Ватаныбызда ерак гасырларда яшәгән искиткеч хайваннар белән гаҗәеп зоопарк ошады.
18нче май, җомга, 2018нче ел
Л. Н. Толстойның 190-еллыгы алдыннан Вахитов районы гаилә һәмбалаларга социаль ярдәм бүлеге белгечләре, социаль хезмәт күрсәтүдә торган гаиләләрнең балигъ булмаган балалары өчен, “Һәркем кешелекне үзгәртергә тели, ләкин беркем дә үзен ничек үзгәртү турында уйламый” төркемле шөгыле уздырдылар.
Шөгыльнең максаты: балигъ булмаган балаларда әхлак кыйммәтләрен формалаштыру.
Шөгыль барышында катнашучылар белән мәхәббәт, дуслык, яхшылык төшенчәләре турында интерактив әңгәмә булды, чөнки Л. Н. Толстой яшәүнең мәгънәсен итеп игелекле эш, яхшылык, барлык әйберләрне дә яратуда күрә.
Балалар актив рәвештә үзләренең караш нокталарын әйттеләр, кешеләргә яхшылык эшләп, без үзебез дә яхшырак булабыз, безнең тормышта бар нәрсә дә бумеранг кебек кире кайта, яхшылык та, усаллык та. Без дөньяны үзгәртә алмыйбыз, ләкин һәрбер кеше үзен үзгәртә ала, ә аннан бөтен дөнья яхшырыр.
16нчы май, чәршәмбе, 2018нче ел
ТАССР барлыкка килүгә 100-еллыкны бәйрәм итүгә әзерләнү кысаларында Авиатөзелеш районы гаилә һәм балаларга социаль ярдәм бүлеге белгечләре ДАПББУ “Казан төзелеш, архитектура һәм шәһәр хуҗалыгы колледжы” волонтерлары белән берлектә, социаль ярдәм алуда торучы гаиләләрнең балигъ булмаган балалары өчен, ”Казан сувенирлары” циклыннан “Татар милли бизәге” төркемле шөгыле уздырдылар.
Шөгыльнең максаты: Идел буе халыкларының милли гореф-гадәтләре белән таныштыру.
Балалар кызыксыну белән “Татар милли кәсепләре эшләнмәләре” һәм “Татар бизәге” слайд-шоуын карадылар, татар бизәге үрнәкләре - күп гасырлык халык иҗатының ачык чагылышы: зәркән эшләнмәләре, тукымада чигү һәм бизәкләр, баш киемнәре, күн аяк киемнәренең төсле мозаикасы, торакны бизәү белән таныштылар.
Аннан соң төсле фетрдан бизәк белән бизәлгән “Серле капчык” сувенирын эшләү буенча иҗади остаханә булды. Балалар белгечләр һәм волонтерлар җитәкчелеге астында рәхәтләнеп үз композицияләрен ясадылар һәм кемгә бүләк итәргә теләүләре турында сөйләделәр.
Страница 245 из 272