Select font Arial Times New Roman
Character spacing (kerning): Standard Medium Large
26нчы июнь, сишәмбе, 2018нче ел
Яңа Савин районы гаилә һәм балаларга социаль ярдәм бүлеге белгече ДАПББУ “Казан төзелеш, архитектура һәм шәһәр хуҗалыгы колледжы” волонтерлары белән берлектә, Халыкара наркотик матдәләрне куллану һәм законнан тыш әйләнеш белән көрәш көне һәм VII Бөтенроссия “Иреклеләр балаларга” акциясе кысаларында, “Без тормыш яклы” флешмобы оештырылды.
Флешмобның максаты: сәламәт яшәү рәвешенә мотивация формалаштыру һәм балигъ булмаган балалар арасында наркомания профилактикасы.
Балалар рәхәтләнеп “Без наркотикларга каршы” дидактик лекциясендә катнаштылар, начар гадәтләрнең формалашуын, нинди эчке һәм тышкы ресурслар булырга мөмкин, һәм алар ничек заралы теләкләргә каршы торырга ярдәм итүләре турында яхшырак аңладылар. Катнашучыларга “Үз сайлавыңны дөрес яса!” плакатын ясарга тәкъдим ителде. Плакатның эчтәлеге наркотикларга каршы көрәштә көчләрне берләштерү, сәламәт яшәү рәвешен алып бару, ПАМ һәм наркотиклар кулланмыйча ял итүне оештыру булды.
Флешмоб ахырында балалар теләкләр белән төсле кораблар җибәрделәр.
26нчы июнь, сишәмбе, 2018нче ел
Мәскәү районы гаилә һәм балаларга социаль ярдәм бүлеге психологы, Россия яшьләре көненә туры китерелгән, “Кара-каршы” төркемле шөгыле уздырды.
Максат: үз-үзеңне аңлауга мөмкинлекләр тудыру, төркемдә үзара нәтиҗәле хәрәкәт итү күнекмәләрен үстерү.
Шөгыль “Төсле кәеф” һәм “Елмаю” күнегүләреннән башланып китте, алар төркемдә бергәләшеп эшләүгә уңай теләк формалаштырырга ярдәм иттеләр. Шөгыльнең төп өлешендә балаларга “10 сүз” күнегүе тәкъдим ителде, ул һәркемгә үзен күрсәтергә, һәм шулай ук күнегелгән төшенчәләрне башкача күрергә мөмкинлек бирде. “Төсләрдәге тормыш” интерактив уенында катнашып, төсләр терапиясе ысулы аркылы балалар үзләренең хисләрен анализлый алдылар, шулай ук төркемдә эшләп башкаларны аңларга өйрәнделәр.
26нчы июнь, сишәмбе, 2018нче ел
Совет районы гаилә һәм балаларга социаль ярдәм бүлеге белгечләре “Наркотикларсыз яшәү” республика наркотикларга каршы акциясе кысаларында, “Туган ишегаллары” шөгыльләр циклыннан “Кеше, үз гомереңне озайт” спорт- сәламәтләндерү чарасы уздырдылар.
Максат: сәламәт яшәү рәвеше күнекмәләрен формалаштыру, коммуникатив күнекмәләрне үстерү.
Чара барышында балигъ булмаган балалар сәламәт яшәү рәвешенең төп тәшкил итүчеләре белән таныштылар, “Сәламәтлек компоненты” интеллектуаль эстафетасында катнаштылар, бирелгән темага табышмаклар чиштеләр. Ахырда мини-ярыш уздырылды, анда дуслык җиңде.
Чара нәтиҗәсендә балалар күтәренкелек һәм күп уңай хисләр алдылар, сәламәт яшәү рәвешен алып бару буенча күзаллауларын киңәйттеләр.
25нче июнь, дүшәмбе, 2018нче ел
Мәскәү районы гаилә һәм балаларга социаль ярдәм бүлеге психологы, социаль хезмәт күрсәтүдә торган гаиләләрнең 11-14 яшьлек балигъ булмаган балалары өчен, “Конфликтлар һәм компромисслар” төркемле шөгыле уздырды.
Шөгыльнең максаты: социаль яраклашуда авырлыклар кичерүче балигъ булмаган балаларда конфликт турында күзаллау, конфликтлы хәлләрне күрә һәм фаразлый, килешүгә бару сәләтен формалаштыру.
Шөгыль барышында катнашучылар кыска метражлы “Күпер” мультипликацион фильмын карадылар, мавыктыргыч “Кеше яшәми торган утрау” уенында төркемдә үзара нәтиҗәле хәрәкәт итәргә, төркем белән карар кабул итәргә, хезмәттәшлек стратегиясенә өйрәнделәр.
22нче июнь, җомга, 2018нче ел
Хәтер һәм кайгы көнендә Совет районы гаилә һәм балаларга социаль ярдәм бүлегенең социаль хезмәт буенча белгечләре “Җиңү волонтерлары” Бөтенроссия иҗтимагый хәрәкәтенең региональ бүлеге волонтерлары белән берлектә “Үлгәннәрнең истәлегенә лаеклы булырбыз” социаль-патриотик акция уздырдылар.
Акциянең максаты: әхлакый сыйфатларны формалаштыру, балигъ булмаган балаларны патриотик тәрбияләү.
Акция барышында балалар “Сугыш корбаннарын искә алу һәм котлау көне”н уздыру тарихы белән таныштылар һәм Горький исемендәге Үзәк мәдәният һәм ял паркындагы Мәңгелек ут янына чәчәкләр куеп, батырларны искә алдылар.
Страница 238 из 272