Select font Arial Times New Roman
Character spacing (kerning): Standard Medium Large
9нчы июль, дүшәмбе, 2018нче ел
“Безнең шәһәр” циклы кысаларында Яңа Савин районы гаилә һәм балаларга социаль ярдәм бүлеге социаль педагогы, социаль хезмәт күрсәтүдә торган гаиләләрнең балигъ булмаган балалары өчен, “Үз шәһәреңне булдыр” шөгылен уздырды.
Шөгыльнең максаты: балаларны Казан шәһәренең тарихи һәйкәлләре белән таныштыру, кызыксынучанлык һәм иҗади мөмкинлекләрне үстерү.
Шөгыль барышында балалар Казанның истәлекле урыннары һәм символлары турында презентация карадылар, аннан соң үз шәһәрләренең модельләрен күперләр, һәйкәлләр, фонтан һәм скверлар белән “төзекләндерделәр”. Балалар шәһәрдә яшәүчеләр өчен кануннар уйлап чыгардылар, һәм аларны кануннар җыентыгына теркәделәр.
Шөгыль ахырында балалар ике командага бүленеп иҗади остаханәдә эшләделәр, пластилиннан шәһәр символын, төрле геометрик фигуралардан шәһәр гербын ясадылар.
9нчы июль, дүшәмбе, 2018нче ел
Балигъ булмаган балалар арасында күзәтүсез һәм караучысызлык профилактикасы максатыннан, Авиатөзелеш районы гаилә һәм балаларга социаль ярдәм бүлеге белгечләре
“Шәхеснең үзоештыру чарасы буларак ишегалды уеннары” технологиясен тормышка ашыру кысаларында чираттагы шөгыль уздырдылар.
“Без бергә бердәм һәм җиңелүсез” төркемле шөгылендә, социаль авыр хәлдә булган гаиләләрдән, 7-14 яшьлек 12 балигъ булмаган бала катнашты. Шөгыльдә катнашучылар ике командага бүленделәр. Балалар рәхәтләнеп командада бердәмлек хисләрен формалаштыруга юнәлдерелгән “Төсләр” уенында катнаштылар, үзләреннән кечерәк балаларга алып баручының “капканына” эләкмичә уендагы аралыкны үтәргә ярдәм иттеләр. Балалар “Капчыкларда йөгерү”, “Дартс”, “Сикергечтә сикерү” уеннарында катнашып, җиңеллектә һәм төзлектә ярыштылар. “Мумия”, “Тупны кәрҗингә ыргыт” уеннарында катнашу өчен барысына да командада бердәмлек күнекмәләре һәм иҗади сәләтләре кирәк булды. Өлкәнрәк яшүсмерләр шөгыль ахырында үзләре кечерәк иптәшләре белән “Күз бәйләш”, “Чылбырлар” уеннарын уздырдылар.
9нчы июль, дүшәмбе, 2018нче ел
Гаилә, мәхәббәт һәм тугрылык көненә багышлап, Авиатөзелеш районы гаилә һәм балаларга социаль ярдәм бүлеге белгечләре, Ленин исемендәге мәдәни-ял итү комплексының кинотеатрында, социаль авыр хәлдә булган балалы, шулай ук инвалид баласы булган гаиләләр өчен, гаиләле кино күрсәтү оештырдылар. Фойеда гаилә һәм балаларга социаль ярдәм бүлеге белгечләре әти-әниләргә бәйрәм тарихы турында буклетлар һәм гаилә сафлыгы булган “акчәчәк” брошен тапшырдылар.
Кино карауда катнашучылар гаиләләре белән рәхәтләнеп, Джимның, принцессаны коткару өчен, океан һәм чүл аша драконнар шәһәренә барып батырлыклар кылуы турында, “Джим Төймә һәм машинист Лукас” балалар маҗаралы фильмын карадылар. Яхшы кәеф, җылы балалар-ата-аналар мөнәсәбәтләре бәйрәм чарасының нәтиҗәсе булды.
6нчы июль, җомга, 2018нче ел
Совет районы гаилә һәм балаларга социаль ярдәм бүлеге белгечләре, Бөтенроссия гаилә, мәхәббәт һәм тугрылык көненә багышланган, социаль яраклашуда авырлыклар кичерүче, шулай ук яшьтәшләре белән аралашуда авырлыклары булган балигъ булмаган балалар өчен тренинг элементлары белән “Минем гаиләмнең гореф-гадәтләре һәм бәйрәмнәре” төркемле шөгыле уздырдылар.
Шөгыльнең максаты: гаилә кыйммәтләре турында белемнәр формалаштыру, өлкәннәргә ярату һәм хөрмәт тәрбияләү, коммуникатив күнекмәләрне һәм эмпатияне үстерү.
Шөгыль “Гаилә кыйммәтләре” тематик әңгәмәсеннән башланды, ул катнашучыларны кызыклы гаилә гореф-гадәтләре белән таныштырган “Гаилә-бар нәрсәнең башлангычы” видеоролигын күрсәтү белән алып барылды. Аннан соң балалар, гаилә әгъзаларына карата әхлакый юнәлештә мөнәсәбәт формалаштыруга юнәлдерелгән “Гаилә учагы”, “Чәчәккәй-җиде төсле” тренинг күнегүләрендә катнаштылар. “Минем аралыгым” сюжетлы – рольле уены коллективта бердәм һәм конструктив эшли белү формалаштырырга ярдәм итте. Шулай ук балалар “Минем гаиләм нинди?” анкетасын үттеләр.
Шөгыльне тәмамлау этабында,“Трафаретлы дизайн” – бергәләп ял итү формасы булырга мөмкин яңа, кызыклы шөгыль,, традицион булмаган техника буенча бәрәңге белән рәсем ясау мастер-классы булды.
Шөгыль гаилә турында күзаллау формалаштырырга, үз гаиләсе өчен горурлык хисен үстерергә, шулай ук балаларга гаилә кыйммәтләре турында, бергәләп уенлы ял эшчәнлеге турында искә төшерергә ярдәм итте.
6нчы июль, җомга, 2018нче ел
Бөтенроссия гаилә, мәхәббәт һәм тугрылык көне кысаларында Яңа Савин районы гаилә һәм балаларга социаль ярдәм бүлеге белгечләре, “Төсле календарь” циклыннан “7-Я” (“Гаилә) спорт-сәламәтләндерү чарасы уздырдылар.
Чараның максаты: гаиләләрнең актив ялларын оештыру, гаиләне берләштерү.
Чараның катнашучылары төрле биремнәр башкарып “сәяхәткә бардылар”. Балалар әти-әниләре белән бергәләп сазлыкларны кичтеләр, пластик стаканнардан манара төзеделәр, күзләрен йомып бер-берләренең рәсемнәрен ясадылар, каршылыкларны үттеләр һәм шундый бик күп биремнәр башкардылар. Һәр биремне башкарганнан соң уенчылар чәчәк таҗлары алдылар. Чара ахырында зур бер акчәчәк – гаилә символын ябыштырдылар.
Страница 235 из 272