Select font Arial Times New Roman
Character spacing (kerning): Standard Medium Large
2018нче елның 8нче августында “Казан шәһәре”шәһәр округында халыкка социаль хезмәт күрсәтү комплекслы үзәге” социаль хезмәт күрсәтү автоном дәүләт учреждениесе”нең гаилә һәм балаларга социаль ярдәм бүлегендә социаль хезмәт алучы хатын-кызлар - “Аеклык ноктасы” проектында катнашучылар өчен, “Нечкәбил” Республика аналык һәм гаилә бәйгесендә төрле елларда җиңүчеләр белән “Гаилә советы” очрашуы оештырылды.
Сәламләү сүзе белән чарада катнашучыларга ТР Иҗтимагый палатасыны рәисе урынбасары Забегина Т. В. һәм “Нечкәбил” Республика аналык һәм гаилә бәйгесе җитәкчесе Жуйкова И. П. мөрәҗәгать иттеләр.
Очрашу программасы үз өченә үзара йогынты ясауның төрле формаларын алды. Бу,“Патша чәчәкләре” ательесы администраторы, Чулпан Уразайкина җитәкчелегендә фоамираннан (Бәхет чәчкәсе) чәчәк композициясе ясау буенча мастер-класс та. Һәм Эшмәкәр хатын-кызлар департаменты һәм Мөселман-эшмәкәрләре ассоциациясенең Яңа башлаучы эшмәкәрләргә ярдәм үзәге җитәкчеләреннән Фәтхуллина Д. Ф. белән ышанычлы әңгәмә дә. “Игелекле эшләр көне” Хәйрия фонды очрашуда катнашучыларга түләүсез кием һәм аяк киемнәре белән тәэмин итүгә мөмкинлек бирде.
Очрашу ахырында проектта катнашучылар һәм оештыручылар белән бергә экспресс-фотосессия һәм җылы, дустанә атмосферада, җанлы музыка астында чәй эчү оештырылды.
Чараны оештыручылар ышаналар – “Гаилә советы” “Аеклык ноктасы” проектында катнашучыларга үзләренең тормышка карашларын яңадан карарга һәм үзләренең алдагы бәхетле гаилә тормышын “коючы”лары булачакларына ярдәм итәр.
3нче август, җомга, 2018нче ел
Яңа Савин районы гаилә һәм балаларга социаль ярдәм бүлеге белгече, күп балалы, азҗитешле гаиләләрнең балигъ булмаган балалары өчен “Безнең әйләнә-тирә дөнья! "циклыннан “Ут-тиктормас”темасына төркемле шөгыль уздырды.
Шөгыльнең максаты: кеше тормышында утның уңай һәм тискәре ролен күрсәтү, янгын чыгу сәбәпләре һәм янгын чыкканда үзеңне тоту кагыйдәләре турында сөйләү, балаларның ут белән саксыз эш итүнең нинди нәтиҗәгә китерергә мөмкинлеге турында белемнәрен ныгыту.
Шөгыль барышында балалар “Ут-дус, ут-дошман” әкиятен тыңладылар һәм фикер алыштылар, “Ялгышма!” уйлау штурмында, “Янгыннан хәтәрле әйберләр”, “Янгын вакытында нәрсә кирәк” дидактик уеннарында катнаштылар.
Балалар шөгыль ахырында “Яшь янгын сүндерүче әлифбасы” буклетын ясадылар, шулай ук янгынга сәбәп булган янгыннан хәтәрле һәм янгын сүндерергә ярдәм итүче әйберләрне ачыкларга өйрәнделәр.
2нче август, пәнҗешәмбе, 2018нче ел
Совет районы гаилә һәм балаларга социаль ярдәм бүлеге белгече, социаль яраклашуда авырлыклар кичерүче балигъ булмаган балалар өчен, Ильин көненә бәйләп “Яшенле яңгыр һәм беренче уңыш бәйрәме” чарасын уздырды.
Чараның максаты: балигъ булмаган балаларда уңай кызыксынулар формалаштыру, күзаллауларын киңәйтү, борынгы урыс гореф-гадәтләре белән таныштыру.
“Минем иң яхшы сыйфатым” сәламләвеннән чара башланып китте, аннан соң “Ильин көне” видеоролигын карадылар, аның мотивы буенча балалар викторинада катнаштылар, табышмакларны чиштеләр, борынгы урыс гореф-гадәтләре турында сорауларга җавап бирделәр.
Чара балаларның эрудицияләрен арттырырга, аралашу, үзара ярдәмләшү, командада эшли белү күнекмәләрен формалаштырырга ярдәм итте.
2нче август, пәнҗешәмбе, 2018нче ел
Идел буе районы гаилә һәм балаларга социаль ярдәм бүлеге белгечләре “Тормыш шатлыгы” циклыннан “Төсле дөнья” арт-терапия шөгыле уздырдылар.
Шөгыльнең максаты: балаларның негатив эмоциональ халәтләренең профилактикасы һәм коррекциясе.
Психоэмиональ кыенлыклары, яшьтәшләре белән аралашуда авырлыклары булган балигъ булмаган балалар шөгыльнең катнашучылары булдылар.
Шөгыль кысаларында танышуга юнәлдерелгән: “Мактау сүзе”, “Ассоциацияләр”, берләшүгә “”Фигуралар” күнегүләре, сенсор бүлмәнең мөмкинлекләрен кулланып релаксация уздырылды.
Катнашучыларның шөгыльгә кадәр һәм аннан соңгы эмоциональ хәлен бәяләү күрсәткәнчә, балигъ булмаган балаларның борчылу дәрәҗәсе түбәнәйгән. Катнашучылар уңай хисләр һәм позитив кәеф алдылар.
9нчы июль, дүшәмбе, 2018нче ел
Идел буе районы гаилә һәм балаларга социаль ярдәм бүлеге белгечләре, педагог һәм психологлар, Бөтенроссия гаилә, мәхәббәт һәм тугрылык көненә багышланган, социаль хезмәт күрсәтүдә торган гаиләләр өчен, бәйге-уен формасында “Минем гаиләм – минем ныгытмам” төркемле шөгыле уздырдылар.
Шөгыльнең максаты: балаларда әти-әниләренә ярату һәм хөрмәт, үз гаиләсе өчен горурлык хисе тәрбияләү; гаилә турында бер-берсен яратучы һәм кайгыртучы кешеләр булуы төшенчәсен формалаштыру.
Шөгыль барышында балигъ булмаган балаларга һәм аларның әти-әниләренә Петр һәм Феврония, бәйрәмнең тарихы һәм гореф-гадәтләре турында презентация күрсәтелде. Чарада катнашучылар уйлап чыгарылган акчәчәктә бактылар, һәр өзелгән таҗ белән аларга кунакка әкият геройлары килделәр: клоун Бантик, әкияти Фея, Акчәчәк һәм Пират. Өлкәннәр һәм балалар алар белән интерактив уеннар уйнадылар, табышмаклар оттылар, җырлар җырладылар. Шөгыльнең ахырында барлык катнашучыларга да истәлекле бүләкләр һәм тәм-том әйберләре тапшырылды.
Страница 230 из 272