Select font Arial Times New Roman
Character spacing (kerning): Standard Medium Large
3нче декабрь, пәнҗешәмбе, 2020нче ел
Инвалидлар декадасы кысаларында Яңа Савин районы гаиләгә һәм балаларга социаль ярдәм күрсәтү бүлеге психологы мөмкинлекләре чикләнгән балаларны тәрбияләүче ата-аналар өчен “Соломинка” циклыннан “Көч чыганагы” шөгылен үткәрде.
«Соломинка» шөгыльләр циклы инвалид балаларны тәрбияләүче ата-аналарга психологик ярдәм күрсәтүгә, аларның эчке ресурсларын мобильләштерүгә юнәлдерелгән.
Шөгыль барышында ата-аналар белән уңышлы һәм бәхетле балалар тәрбияләүнең иң мөһим факторы буларак үзләренең эмоциональ халәтләрен һәм бәхетле була белүләрен аңлауга юнәлтелгән психокоррекцион әңгәмә үткәрелде. «Ничек яхшы ана булырга?» хикәясе турында фикер алышу ата-аналарның үз балаларына гына түгел, үзләренә дә вакыт табу өчен мотивация күтәрүгә ярдәм итте. Үткәрелгән «Көч урыны» визуаль медитациясе эчке киеренкелекне, арыганлыкны бетерергә, катнашучыларның тормыш тонусын һәм көчләрен арттырырга ярдәм итте.
Психолог катнашучыларны үзрегуляция күнекмәләренә, эчке ресурсларны мобилизацияләү ысулларына өйрәтте. Шөгыль «Кәефнең рәсеме» арт-терапевтик рефлексиясе белән тәмамланды.
Мөмкинлекләре чикләнгән балаларны тәрбияләүче ата-аналар сүзләренчә, мондый шөгыльләр чыннан да алар өчен көч чыганагы булып тора, үзеңне яхшырак аңларга һәм тормыш һәм гаилә авырлыкларын җиңәргә ярдәм итә.
02нче декабрь, чәршәмбе, 2020нче ел
Россиядә Балачак унъеллыгына багышланган чаралар кысаларында балаларның иҗади сәләтләрен үстерү максатыннан, гаиләгә һәм балаларга социаль социаль ярдәм күрсәтү бүлеге белгечләре, социаль хезмәт күрсәтүдә торган гаиләләрнең балигъ булмаган балаларына, балалар һәм яшүсмерләр иҗатының ачык бәйгеләрендә катнашуга әзерләнүдә ярдәм итә.
Киров районы гаиләгә һәм балаларга социаль ярдәм бүлегендә социаль хезмәт күрсәтүдә торучы Шаһидуллина Дана “Идея” Бөтенроссия гражданлык һәм яшьләр инициативалары үзәге оештырган Бөтенроссия балалар рәсемнәре бәйгеләре призеры булды:
I дәрәҗә диплом – Россиянең Хәрби-диңгез флоты көненә багышланган бәйгедә «Андреев флагы җилләрдә җилферди» номинациясендә
II дәрәҗә диплом – «Балалар әкиятләренең серле битләре» бәйгесендә «Әкият илләрендәге геройлар» номинациясендә.
Шаһидуллина Дананы һәм социаль педагог Гаффанова Миләүшә Рафаэловнаны җиңүләре белән чын күңелдән котлыйбыз! Алда иҗат уңышлары телибез!
1нче декабрь, сишәмбе, 2020нче ел
Киров районы гаиләгә һәм балаларга социаль ярдәм бүлеге социаль педагогы күренекле галим, академик, Нобель премиясе лауреаты, хокук яклаучы Андрей Дмитриевич Сахаров тууына 100 ел тулуга багышланган «Кеше хокукларын яклаучы» исемле төркемле шөгыль үткәрде.
Төркем белән шөгыльләнүнең максаты: балигъ булмаганнарда гражданлык җаваплылыгын һәм толерантлыкны булдыру һәм үстерү.
Шөгыль барышында балалар Сахаровның тормышы һәм эшчәнлеге, аның ил һәм дөнья фәнендәге казанышлары турында белделәр, аның хокук яклау эшчәнлеге турында документаль фильм карадылар, архив материаллары белән таныштылар. Шөгыль ахырында катнашучылар хәзерге заман шагыйрьләренең Андрей Сахаров истәлегенә багышланган шигырьләрен тыңладылар.
Шөгыль балигъ булмаганнарның актив гражданлык позициясен, бөек ватандашларыбыз өчен горурлык хисләрен тәрбияләүгә ярдәм итте.
30нчы ноябрь, дүшәмбе, 2020нче ел
Халыкара Әниләр көне алдыннан 24-29нчы ноябрь көннәрендә «Әнигә рәхмәт әйт!» дигән Бөтенроссия гаилә флешмобы узды. Проект Андрей Первозванный фондының «Ана булу изгелеге» программасы кысаларында тормышка ашырылды.
Флешмоб – безгә үсәргә, уңышлы һәм мөстәкыйль булырга ярдәм итүче әниләребезгә мәхәббәт, кайгырту һәм үз-үзләрен корбан иткән өчен ачыктан-ачык рәхмәт әйтү өчен рәсми сәбәп.
Авиатөзелеш, Вахитов һәм Яңа Савин районнары гаиләгә һәм балаларга социаль ярдәм бүлеге белгечләре Бөтенроссия гаилә флешмобында актив катнаштылар: социаль хезмәт күрсәтүдә торучы гаиләләрнең балигъ булмаган балалары Instagram челтәрендәге битләрендә, ярату һәм рәхмәт сүзләре кушып, әниләре белән төшкән яраткан фоторәсемнәрен урнаштырдылар.
27нче ноябрь, җомга, 2020нче ел
Россиядә Әниләр көне алдыннан, 18 яшьтән өлкәнрәк инвалидлыгы булганнарны абилитацияләүгә юнәлдерелгән «Социаль ярдәм» проекты кысаларында, Совет районы гаиләгә һәм балаларга социаль ярдәм бүлеге психологлары «Безнең яңа дөнья» дигән төркемле шөгыль уздырдылар.
Шөгыльнең максаты: мөмкинлекләре чикле кешеләрне төрле яклап үстерү өчен шартлар тудыру, яшьтәшләре коллективына гармонияле рәвештә кертү юлы белән аларның социаль тәҗрибәсен баету, гаилә элемтәләрен ныгыту.
Шөгыль «Әни портреты» исемле виртуаль сәнгать күргәзмәсенә йөрүдән башланды. Катнашучыларга дөньяның бөек рәссамнары картиналарының мультимедиа репродукцияләре тәкъдим ителде. Психолог белән әни турында медитатив әкиятне бергә «эшләп», катнашучылар әкият терапиясе дөньясында чумдылар.
Катнашучыларның эмоциональ халәтен гармонияләштерү өчен сенсор бүлмәсендә «Салават күпере» релаксация күнегүләре үткәрелде.
Шөгыль үз әниләренә квиллинг техникасында открытка ясау буенча иҗат остаханәсе белән тәмамланды.