View settings
Font settings:
Select font Arial Times New Roman
Character spacing (kerning): Standard Medium Large
Colour scheme selection:
Алексеевск районына эш сәфәре
Балалар һәм яшүсмерләр өчен социаль ятимнәр йортлары белән балигъ булмаган балаларны гаиләләренә кире кайтаруда үзара ярдәм итешү кысаларында, ДАСХКУ "Казан шәһәре" шәһәр округында халыкка социаль хезмәт күрсәтү комплекслы үзәге" хезмәткәрләре Татарстан Республикасы Алексеевск муниципаль районы муниципаль социаль - реабилитация консилиумы утырышында катнаштылар.
2020нче елның 12нче мартында Алексеевск муниципаль районы ДКУ "Балалар һәм яшүсмерләр өчен "Кайгырту" социаль ятимнәр йорты" базасында Халыкка социаль хезмәт күрсәтү комплекслы үзәге директоры урынбасары Л.К. Корбангалиева, Совет районы гаилә һәм балаларга социаль ярдәм бүлеге мөдире Әхмәтҗанова А.Ф. һәм Авиатөзелеш районы социаль хезмәт буенча белгеч Шубина Л.А. катнашында, Казан шәһәре җирлегендә яшәүче ике балигъ булмаган тәрбияләнүченең гаилә хәлләре тикшерелде.
Балаларны ятимнәр йортына социаль реабилитациягә урнаштыргач, гаилә һәм балаларга социаль ярдәм бүлегендә аларның әти-әниләренә, социаль, психологик, педагогик, хокукый сорауларны чишүдә ярдәм итү максаты белән социаль хезмәт күрсәтү һәм социаль ярдәм оештырыла. Белгечләр әти-әниләр белән гаилә эчендәге каршылыкларны җиңү, ата-ана-бала мөнәсәбәтләрен яңадан торгызу проблемалары буенча консультацияләр, психологик әңгәмәләр, рольле уеннар, тренинг шөгыльләр үткәрәләр.
Консилиум утырышында эшләнгән эшкә анализ уздырылды, гаиләләрнең агымдагы проблемалары билгеләнде һәм аларны чишү юллары каралды.
Татарстан Республикасы Хезмәт, мәшгульлек һәм социаль яклау министрлыгының халык алдында формалаштырган максат һәм бурычларны үтәү йөзеннән 2019нчы елда балалар һәм яшүсмерләр өчен ятимнәр йортыннан гаиләдә яшәү рәвешенә киткән балалар өлешен арттыру буенча индикатор, киткән балаларның гомуми саны буенча 90% - тан 92% - ка кадәр, Казан шәһәре буенча ирешелгән.
"Толерантлык - уңышка юл"
16нчы март, дүшәмбе, 2020нче ел
"Тынычлык символы" циклы кысаларында Совет районы гаилә һәм балаларга социаль ярдәм бүлеге белгече мәдәни оештыручы белән бергә, социаль яраклашуда авырлыклар кичерүче балигъ булмаган балалар өчен, "Толерантлык - уңышка юл" төркемле шөгылен уздырдылар.
Шөгыльнең максаты: рухи-әхлакый сыйфатлар һәм үзен толерант тоту нигезләрен формалаштыру, эчке шәхси ресурсларны мобилизацияләү.
Шөгыль барышында балалар толерантлык төшенчәсе белән таныштылар,"Толерантлык - уңышка юл" интерактив әңгәмәсендә һәм, үзләрен толерантлы тоту һәм конфликтлы аралашу күнекмәләрен формалаштыруга юнәлдерелгән, "Конфликтлы хәлдә үзеңне ничек тотарга?", "Тылсымлы сәке", "Мәкальне дәвам ит һәм аңлат" рольле уеннарында катнаштылар.
Психоэмоциональ халәтне көйләү, эчке шәхси ресурсларны һәм иҗат сәләтләрен мобилизацияләү максаты белән балалар өчен "Толерантлык чәчәге" композициясен ясау буенча мастер-класс уздырылды.
Шөгыль коммуникатив сыйфатларны үстерүгә һәм аралашу культурасы: әңгәмәдәшне аңлый белү, бер-берсе белән уртак тел табу, өлкәннәргә хөрмәтле карашта булу, башкаларның кимчелекләренә сабыр һәм игелекле булу тәрбияләүгә ярдәм итте.
"Үз-үзең булу бик мөһим"
16нчы март, дүшәмбе, 2020нче ел
Балигъ булмаган балалар арасында үз-үзенә кул салу профилактикасы буенча чаралар планы кысаларында, Идел буе районы гаилә һәм балаларга социаль ярдәм бүлеге психологы МБББУ "173нче номерлы урта гомуми белем бирү мәктәбе" консультация пункты базасында яшүсмерләр өчен коррекция-үстерүле "Үз-үзең булу бик мөһим" шөгылен уздырдылар.
Шөгыльнең максаты: үз-үзенең кыйммәтен һәм уникальлеген аңлау аша үзбәяне үстерү, уңай хис-тойгыларны азат итү.
Шөгыль әкият терапиясе кулланып уздырылды. Балалар "Усак тарихы"н сәхнәләштерделәр, ә аннан соң әкиятне анализладылар. Аның сюжет сызыгында сүз төп геройның индивидуаль сыйфатларын ачуы, үзенең кыйммәтен һәм кабатланмас булуын аңлау турында бара. Балалар актив рәвештә әкияттә сурәтләнгән ситуацияне яшьтәшләре белән шәхесара мөнәсәбәтләрдә эзләделәр.
Шөгыль ахырында балалар уздырылган әкияттән алган хис-кичерешләре белән уртаклаштылар, әкият буенча фикер алышу нәтиҗәләре буенча нинди нәтиҗә ясауларын йомгакладылар.
Актив озын гомер - "Өлкән буын" федераль проекты бурычларының берсе
16нчы март, дүшәмбе, 2020нче ел
Төп максатларның берсе өлкән яшьтәге кешеләрне сәламәт яшәү рәвешен алып баруга мотивацияләү һәм актив озын гомергә шартлар тудыру булган "Өлкән буын" федераль проекты кысаларында, Яңа Савин районы Ветераннар советы активы белән түгәрәк өстәл утырышы узды.
Очрашуда Яңа Савин районы өйдә социаль хезмәт күрсәтү бүлеге мөдире М. Н. Горева катнашты, ул, халыкның мохтаҗ категорияләренә ирекле түләүсез ярдәм күрсәтүче "Өлкән яшьтәге волонтёрлар" Бөтенроссия хәрәкәте турында мәгълүмат бирде. Бу хәрәкәткә кушылып, кешеләрнең гражданнарга өйдә социаль - көнкүреш ярдәме күрсәтү күнекмәләре алулары, ял итү һәм иҗат эшчәнлеге нигезләре белән танышулары, ә иң мөһиме - үзләренең үсеш һәм камилләшүләрендә туктап калмаска бәхетле мөмкинлек, димәк, озакка актив булып калу мөмкинлеге турында сөйләде. Өлкән яшьтәге кешеләр белән шәхесара аралашуда мөмкин булган төрле технологияләр белән таныштырып, М. Н. Горева активистларны әлеге хәрәкәткә кушылырга өндәде.
Актив тормыш позициясе чагылышы мисалында чакырылган пенсионер Гатауллина Сания Фатыйховна чыгышы яңгырады, ул үзенең иммунитетны ныгыту, стресслы хәлләрдә үзен тоту, актив озын гомер өчен саулыкны саклау буенча киңәшләре белән уртаклашты.
"Безнең иртәгә юлыбыз" экскурсиясе
13нче март, җомга, 2020нче ел
Һөнәр сайлауга юнәлдерелгән социаль проектлар һәм Федераль дәүләт бюджет югары белем бирү учреждениесе "Казан дәүләт энергетика университеты" белән хезмәттәшлек итү турында килешү кысаларында, Киров районы гаилә һәм балаларга социаль ярдәм бүлеге белгечләре, социаль хезмәт күрсәтүдә торган гаиләләр өчен, Казан дәүләт энергетика университетының "Энергия саклау өлкәсендә компетенцияләр һәм технологияләр үзәге"нә "Безнең иртәгә юлыбыз" экскурсиясе оештырдылар.
Чараның максаты: балигъ булмаган балаларга энергетика өлкәсендә заманча һөнәрләр турында мәгълүмат бирү, уңышлы тормышка ашыру ихтыяҗы үстерү.
Балалар энергетика турында яңа һәм кызыклы мәгълүматлар, электр энергиясен саклауның мөһимлеге, "Яшел энергиянең" эш принцибы турында белделәр. Балаларда "Акыллы йорт" төзү процессы аеруча кызыксыну уятты.
Экскурсиянең гамәли өлешендә балалар тепловизор, аэрометр кебек үлчәү приборлары белән таныштылар, электрны мускул (механик) ысулы белән эшләп чыгарып карадылар.
Чара ахырында "Ачык микрофон" оештырылды, анда әти-әниләр һәм балалар КДЭУ турында сораулар бирделәр, ә Үзәк белгечләре университетның факультетлары, керү имтиханнары, университетны тәмамлагач алырга мөмкин белгечлекләр һәм алда эшкә урнашу мөмкинлекләре турында сөйләделәр.
Страница 102 из 272